1 Yohanes 2:10 - Porjanjian Boharu Torjomahan Baso Dilakng Soari-ari

¹⁰ Urakng inyo mongasihi somadikannyo, io nianam urakng inyo bondar-bondar hidup di dalapm torakng. Conyiant ado lapopan di dalapm hidup io inyo bulah urakng bukai sosat.

1 Yohanes 2:10 ပူးပေါင်းရင်းမြစ်များ

Matius 13:21

Apo sia' bayo pocayo sobontar mo obai co bourat. Aman sia' mohadapi pondorita'an huatan didorako'i obai sia' pocayo pomandiran Allah, lalu sia' co honda' pocayo Pomandiran Allah agi'.

Matius 18:7

Allah paca'an mohukupm dunia ni'in obai boko hal inyo bulah boko urakng bodosa! Memang boko hal nantai gola' ado, apo Allah paca'an mohukupm sotiap urakng inyo bulah urakng bukai bodosa!

Yohanes 11:9

Timbas Yesus, “Watu bonyarian ado duo bolas japm. Urakng inyo bojalatn watu bonyarian, io kinyo topanjur obai io moniant torakng dunia ni'in.

Yohanes 12:35

Kato Yesus ko sia', “Torakng nantai kinyo manaham ado di antaro kaitn. Jadi, kaitn gola' bojalatn somanahan Torakng nantai totap ado, oca' potakng co monguaso'i kaitn. Urakng inyo bojalatn di dalapm potakng kinyo tohu ko mono io botula'.

Yohanes 8:31

Lalu, Yesus bopandir ko boko urakng Yahudi inyo udah pocayo ko Sio. Kato-Nyo, “Aman kaitn sotia monuruti ajaran-Ku, boroti kaitn bondar-bondar murid-Ku.

Roma 14:13

Obai nantai, jangannam kito hala mohakipi agi'! Apo, kito gola' bousaha oca' kito co molabuhan la'apo pan inyo ulih mombulah urakng bukai tojorumus ko dalapm dosa.

Filipi 1:10

agatn caro nantai kaitn ulih momilih lapo inyo kotakng boi'. Agatn ubo nian, hidup kaitn tajahan borosih doi' dosa. Kaitn co tajahan disalahan watu ari Kristus datakng agi'.

2 Petrus 1:10

Obai nantaiam, boko somadikanku, bousahacam lobih kuat agi' molabuhan somuo nantai. Agatn ubo nian, kaitn lobih yakitn obai Allah udah momilih huatan moningkau kaitn pakai' monjadi umant-Nyo. Obai, aman kaitn molabuhan nantai, kaitn co paca'an jatu' ko dalapm dosa.

1 Yohanes 2:11

Apo urakng inyo bonci'an somadikannyo, boroti io ija' hidup di dalapm kogolapan. Io samo sama'an urakng inyo bojalatn di dalapm kogolapan. Io co tohu ko mono io bojalatn obai kogolapan nantai bulah io buto.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.