1 Yohanes 2:1 - Porjanjian Boharu Torjomahan Baso Dilakng Soari-ari

¹ Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

1 Yohanes 2:1 ပူးပေါင်းရင်းမြစ်များ

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

Yohanes 14:16

Aku paca'an minto ko Bopai, lalu Sio paca'an moonji'i Ponulukng inyo bukai ko kaitn. Sio paca'an molabuhan nantai oca' Ponulukng nantai ado bosamo kaitn somanah-manahnyo.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 21:5

Kato Yesus ko sia', “Oi boko pokawalan, bulih cadonai kaitn ikatn?” Timbas sia', “Cado!”

Yohanes 5:14

Kohobu' kolusoannyo, Yesus botomu agatn urakng inyo dinyamani nantai di tongahlamanan Rumah Allah. Kato Yesus ko io, “Dinga'ancam! Ni'in kolai udah nyamanam. Jangan bulah dosa agi' oca' kolai co kona' la'apo pan inyo lobih buru'.”

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 8:11

Timbasnyo, “Conyiant mo, Habakng.” Kato Yesus, “Aku pan co mohukupm kolai. Pulakng cam huatan mula'i ni'in jangan kolai bulah dosa agi'.”

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Roma 6:15

Jadi sama'an apo? Aku momandiran obai kito co hidup dibabah kuaso Hukupm Torat, apo kito hidup dibabah kuaso Allah inyo torus-monorus monunju'an koboi'an-Nyo ko kito. Apobai nantai boroti kito suba' mo mombulah dosa? Samo sokali cado!

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

1 Korintus 15:34

Jadi, kaitn gola' bopikir agi' agatn boboi'. Jangan hala bulah dosa! Aku mongatoan nantai obai ado di antaro kaitn inyo kinyo bondar-bondar mongonal Allah. Aku honda' oca' kaitn mooso malu mongona'i nantai.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Galatia 4:19

Uai boko poana'anku. Aku ajab sonsaro agi' samo sama'an siku' urakng botina' ajab sonsaro tongahan mohidap-porut. Aku paca'an hala ajab sonsaro sampai kaitn monjadi samo sama'an Kristus.

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Efesus 4:26

Aman kaitn godi, jangan sampai mombulah kaitn bodosa. Kaitn gola' botongga' godi sobolupm matoari tonggolapm.

1 Timotius 2:5

Obai, bayo siku' Allah inyo bondar. Bayo siku' Porontaro antaro Allah agatn somuo monsio, ia'an Kristus Yesus.

1 Timotius 3:14

Timotius, aku boharap ulih socopatnyo datakng ko kolai. Apo ado komungkitan aku paca'an tolambat datakng. Obai nantai, aku monulis surat ni'in ko kolai. Aku monulis oca' kolai mongotohu'i ubo apo soharusnyo kito hidup sobagai koluarga umputn Allah. Koluarga umputn Allah nantai boko urakng inyo pocayo ko Yesus, boko urakng inyo monjadi umputn Allah inyo hidup. Boko jomaat nantai samo sama'an tihakng ponontakan sobuah bangunan huatan samo sama'an batu pondasi inyo monjadi kodudu'an ajaran inyo bondar.

Ibrani 9:24

Kristus kinyo mansu' ko dalapm Ruakan Suci inyo dipulah monsio inyo bayo gambaran Ruakng Suci inyo sombondarannyo. Apo Kristus mansu' ko dalapm sorugo nantai. Watu ni'in Sio mohadap Allah momuhun ko Sio pakai' kito.

Yakobus 1:27

Apo ninam sombayakng inyo monyonangan Allah Bopai kito. Ia'an io borotian pondorita'an boko bobia' kumang ongko boko urakng balu janda, lalu monulukng sia'. Io pan monjago diri oca' boko hal jahat di dunia ni'in kinyo mompongaruhi io.

Yakobus 3:9

Agatn lidah, kito momuji Allah, Tuhatn huatan Bopai kito. Apo agatn lidah, kito pan moncolakoan urakng bukai. Padohal Allah mombulah sia' sorupo agatn Sio.

1 Petrus 2:22

Apo, Sio siku' co kalo bulah dosa. Sio co kalo mongatoan la'apo pan pakai' mongontumbuki monsio.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

1 Yohanes 3:5

Kaitn tohu obai Kristus datakng pakai' moamputi dosa monsio. Sio samo sokali co bodosa.

1 Yohanes 3:7

Boko poana'anku! Jangan pocayo agatn ajarannyo salah doi' sopo pan. Urakng inyo hidup bondar di hadapan Allah nianam urakng inyo bondar, samo sama'an Kristus ia'an bondar.

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 5:17

Somuo porbuatan jahat nantaiam dosa, apo ado dosa inyo kinyo bulah urakng bosongkayo doi' Allah somanah-manahnyo.

1 Yohanes 5:21

Poana'anku, jangan kaitn sampai monyombah boko lompatukng damo la'apo pan.

3 Yohanes 1:4

Conyiant ado hal bukai inyo bulah ku lobih sonang daripado mondinga' obai boko poana'anku hidup sosuai agatn ajaran inyo bondar.