1 Yohanes 1:8 - Porjanjian Boharu Torjomahan Baso Dilakng Soari-ari

⁸ Aman kito bopandir obai kito conyiant ado dosa, boroti kito monipu diri kito siku' ongko kobondaran conyiant di dalapm hati kito.

1 Yohanes 1:8 ပူးပေါင်းရင်းမြစ်များ

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Roma 3:10

Sama'an inyo totulis dalapm Buku Suci: “Conyiant siku' urakng pan inyo hidup bondar di hadapan Allah.

Roma 3:23

Obai, somuo urakng udah bodosa ongko udah kohilakan komulia'an Allah.

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

Galatia 6:3

Mungkitn ado urakng inyo kinyo honda' monulukng urakng bukai obai io moanggap dirinyo lobih pontikng doi' urakng bukai. Urakng inyo bopikir salah sama'an nantai, sobondarnyo io kinyo pontikng. Nantai, io bayo ngontumbuki dirinyo siku'.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

Yakobus 1:22

Jadi, kaitn gola' monaati Pomandiran-Nyo. Jangan ongkah mondinga'annam, obai aman ubo nian kaitn monipu diri kaitn siku'.

Yakobus 1:26

Aman ado urakng inyo bopikir io rajitn sombayakng apo io co mongondalian lidahnyo, io bayo monipu dirinyo siku'. Sobondarnyo, io molayati Allah kinyo bobondar.

Yakobus 3:2

Obai, kito somuo molabuhan somuo macapm kosalahan. Apo soandainyo ado urakng inyo co mombulah kosalahan agatn pomandirannyo, io nam urakng inyo sompurna inyo ulih mongondalian bukakng-tubuhnyo.

2 Petrus 2:13

Obai sia' mombulah urakng bukai mondorita', jadi sia' paca'an mondorita' jam. Nantaiam upah inyo sia' dapat. Watu siakng ari pan, sia' sonang bopesta pora. Timpu sia' dudu' makatn borindakan agatn kaitn, sia' tama' momuasan hawa napsu sia'. Agatn sama'an nian, sia' morusa' damo kaitn.

1 Yohanes 1:10

Jadi, aman kito bopandir obai kito cokalo bulah dosa, boroti kito moanggap Allah bulah kotumbukan. Huatan kito co monorima' Pomandiran Allah dalapm hati kito.

1 Yohanes 1:6

Aman kito bopandir obai kito bosatu agatn Sio, padohal kito hidup dalapm kogolapan, boroti kito tumbukan. Kito co hidup sosuai agatn kobondaran.

1 Yohanes 2:4

Urakng inyo bopandir, “Aku mongonal Allah,” apo io co monuruti boko porintah-Nyo, urakng nantai bulah kotumbukan. Kobondaran conyiant di dalapm io.

1 Yohanes 4:20

Aman ado urakng inyo bopandir, “Aku mongasihi Allah,” apo urakng nantai bonci'an somadikannyo, jadi urakng nantai bulah kotumbukan. Obai, urakng inyo co mongasihi somadikannyo inyo kotiat'an, co mungkitn io ulih mongasihi Allah inyo kinyo kotiat'an.

2 Yohanes 1:2

Obai kito sosamo pocayo agatn ajaran inyo bondar ongko kito paca'an pocayo somanah-manahnyo.

3 Yohanes 1:3

Obai, boboropo somadikan datakng lalu momadahan mongona'i kolai, ia'an nantai obai kolai hidup sosuai agatn ajaran inyo bondar. (Memang ubo nianam caro hidup kolai.) Timpu sia' momadahannyo, nantai aku kotakan sonang.