1 Yohanes 1:4 - Porjanjian Boharu Torjomahan Baso Dilakng Soari-ari

⁴ Koi monulis somuo ni'in oca' hati koi bondar-bondar sonang-nyamanam.

1 Yohanes 1:4 ပူးပေါင်းရင်းမြစ်များ

Yohanes 15:11

Aku momandiran somuo nantai oca' sonang-nyaman-Ku ado di dalapm hati kaitn, ongko sonang kaitn monjadi sompurna.

Yohanes 16:24

Sampai watu ni'in, kaitn bolupm minto lapopan dalapm damo-Ku. Mintocam, lalu kaitn paca'an monorima'. Kaitn paca'an monorima' oca' sonang-nyamanam kaitn monjadi sompurna.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

Efesus 3:19

Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

2 Yohanes 1:12

Ija' banya' hal inyo honda' ku padahan ko kaitn. Apo aku cuku honda' momakai surat. Aku boharap ulih mondataki kaitn lalu ulih bopandir bohadapan. Aku honda' sama'an nantai oca' kito samo mooso'i sonang-nyamanam soponuhnyo.