1 Yohanes 1:2 - Porjanjian Boharu Torjomahan Baso Dilakng Soari-ari

² Sio inyo moonji'i hidup somanah-manahnyo ado bosamo Allah Bopai. Apo timpu Sio datakng di dunia, koi ulih moniant-Nyo. Hidup somanah-manahnyo nantai ditunju'an-Nyo ko koi huatan watu ni'in, koi boritoan ko kaitn mongona'i hidup somanah-manahnyo nantai.

1 Yohanes 1:2 ပူးပေါင်းရင်းမြစ်များ

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 1:4

Sio nam sumber kohidupan. Kohidupan inyo Sio onju' nantai am Torakng pakai' monsio.

Yohanes 10:28

Aku moonji'i sia' hidup inyo somanah-manahnyo. Sia' cokalo bonaso sampai somanah-manahnyo. Conyiant ado siku' urakng pan inyo ulih morobut sia' doi' jari-Ku.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 15:27

Kaitn pan gola' bosasi mongona'i Aku obai kaitn udah bosamo agatn Aku doi' mulo polayatan-Ku.

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 19:35

(Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

Yohanes 21:14

Nantaiam kotigo kalinyo Yesus moniant'an diri-Nyo ko boko murid-Nyo lopas Sio bobali' hidup agi'.

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Yohanes 7:29

Apo Aku konal agatn Sio obai Aku datakng doi' Sio. Sionam inyo moutus Aku.”

Yohanes 8:38

Aku momadahan boko hal inyo Bopai-Ku tunju'an ko aku. Apo kaitn molabuhan boko hal inyo kaitn dinga' doi' bopai kaitn.”

Kisah Boko Rasul 10:41

Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio.

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

Kisah Boko Rasul 5:32

Koi ni'in moniant somuonyo nantai agatn mato kopala' siku'. Allah udah moonji'i Roh-Nyo ko koi somuo inyo monaati Sio. Jadi Roh Allah jam mombutian somuonyo nantai bondar.”

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

2 Timotius 1:10

Watu ni'in, Allah monunju'an koboi'an-Nyo ko kito agatn kodatakan Kristus Yesus, Ponyolamant kito. Molalu'i Kabar Boi' nantai, Sio udah mongalahan kuaso komatian huatan moonji'i kito hidup inyo somanah-manahnyo di sorugo.

1 Petrus 5:1

Ko somuo ponotua' jomaat di antaro kaitn aku moonju' nosihat ni'in: Aku ninam ponotua' inyo momimpitn kolompok urakng pocayo samo sama'an kaitn. Agatn matoku siku', aku udah moniant Kristus mondorita'. Huatan nononyo Kristus paca'an datakng lalu monunju'an obai Sionam inyo bokuaso. Timpu nantai, aku pan tuyut dapat komulia'an jam. Jadi, aku minto kotakng sangant:

1 Yohanes 1:1

Dalapm surat ni'in, koi monyampaian ko kaitn mongona'i Sio inyo disobut Pomandiran Allah inyo moonji'i hidup. Sio ado doi' mulonyo. Koi udah mondinga' Sio. Koi udah moniant Sio agatn mato koi siku'. Koi moniant Sio ongko koi udah moncanggapm Sio agatn jari koi siku'.

1 Yohanes 2:25

Ongko ninam inyo udah Sio janjian ko kito, ia'an hidup inyo somanah-manahnyo.

1 Yohanes 3:5

Kaitn tohu obai Kristus datakng pakai' moamputi dosa monsio. Sio samo sokali co bodosa.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

1 Yohanes 4:2

Agatn caro inyo ninam kaitn tohu aman roh inyo ado di inyo boasal doi' Allah: Aman urakng nantai moaku'i obai Yesus Kristus udah datakng ko dunia ni'inan monjadi monsio, rotinyo roh inyo ado di dalapm dirinyo nian boasal doi' Allah.

1 Yohanes 5:11

Ninam kosasian nantai: Allah udah moonju' ko kito kohidupan kokal molalu'i Ana'Nyo.

1 Yohanes 5:13

Aku monulis surat ni'in ko kaitn inyo pocayo ko damo Ana' Allah. Ku tulis oca' kaitn tohu obai kaitn udah bodapat kohidupan kokal.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.