1 Yohanes 1:1 - Porjanjian Boharu Torjomahan Baso Dilakng Soari-ari

¹ Dalapm surat ni'in, koi monyampaian ko kaitn mongona'i Sio inyo disobut Pomandiran Allah inyo moonji'i hidup. Sio ado doi' mulonyo. Koi udah mondinga' Sio. Koi udah moniant Sio agatn mato koi siku'. Koi moniant Sio ongko koi udah moncanggapm Sio agatn jari koi siku'.

1 Yohanes 1:1 ပူးပေါင်းရင်းမြစ်များ

Lukas 24:39

Tiat bokas boko luko di longan huatan kaki-Ku. Ni'in memang Aku siku'! Cama'! Porotian! Hantu kinyo boisi damo botulakng, kinyo samaꞌan inyo kaitn tiat di Aku.”

Yohanes 19:35

(Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

Yohanes 20:27

Lalu, Sio bopandir ko Tomas, “Tiatbo jari-Ku. Gahapan jari kolai di si'itn. Uluran longan kolai, huatan gahapam di porut-Ku. Jangan gangga'-gua'an agi' apo pocayocam!”

Yohanes 5:26

Obai, Bopai moonji'i kuaso ko Ana' pakai' moonji'i hidup, samo sama'an Sio ado kuaso pakai' moonji'i hidup.

Yohanes 8:58

Kato Yesus ko sia', “Pondinga'an boboi'cam inyo Ku pandiran ni'in: Sobolupm Abrahapm dilahiran, Aku udah Adoam!”

Kisah Boko Rasul 4:20

Koi duo co paca'an langunt. Koi gola' momboritoan la'apo inyo udah koi tiat huatan dinga' doi' Yesus.”

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

1 Yohanes 5:7

Jadi ado tigo hal inyo bosasi mongona'i sopo Yesus sobondarnyo:

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 19:13

Sio momakai jubah inyo udah diconcah ko darah. Sio jam bodamoan “Pandir Doi' Allah”.

Wahyu 2:8

“Tuliscam pomandiran ni'in ko molekat inyo monjago jomaat di Smirna: Pomandiran ni'in doi' Sio, inyo Potamo ongko inyo Toahir, Sio udah mati apo hidup agi'.