1 Timotius 6:6 - Porjanjian Boharu Torjomahan Baso Dilakng Soari-ari

⁶ Apo, aman kito mooso tokosih agatn la'apo inyo ado di kito, molabuhan ajaran agama suba' mombaba' kountukan inyo sobondarnyo bosar.

1 Timotius 6:6 ပူးပေါင်းရင်းမြစ်များ

Lukas 12:15

Ongko Yesus bopandir ko somuo urakng di santai, “Boboi'cam! Jagocam diri kaitn doi' somuo macapm kotama'an. Obai hidup inyo sobondarnyo samo sokali kinyo bogantukng agatn banyaꞌnyo kodampuan.”

Lukas 3:14

Ado jam projurit inyo botakutn, “Niant apo agatn koi? La'apo inyo gola' koi labuhan?” Yohanes monimbas, “Jangan momoso minto duit ko urakng bukai. Jangan bulah boko tuduhan inyo kinyo bondar, oca' mondapat kountukan diri siku'. Jadi cukupancam diri kaitn agatn upah kaitn.”

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

Filipi 1:21

Obai, bagiku, aman aku hidup, aku hidup pakai' Kristus. Aman aku mati, aku untukng.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

1 Timotius 6:8

Obai nantai, kito gola' mooso tokosih aman kito udah ado pomakatn huatan pakai'an.

Ibrani 13:5

Jangan cinta duit. Puasan aja'am diri kaitn agatn kodampuan inyo udah jadi umputn kaitn. Obai, Allah udah bopandir, “Aku kinyo kalo tajahan moninggalan kolai. Aku kinyo kalo tajahan mombiaran kolai sonsiku'an.”