1 Timotius 6:3 - Porjanjian Boharu Torjomahan Baso Dilakng Soari-ari

³ Sopo pan urakng inyo mongajar ajaran inyo kinyo bondar, ajaran sia' songkayo doi' ajaran Yesus Kristus, Tuhatn inyo bokuaso. Ajaran sia' nantai kinyo monulukng urakng pakai' hidup sosuai agatn kohonda' Allah.

1 Timotius 6:3 ပူးပေါင်းရင်းမြစ်များ

Matius 22:21

Timbas sia', “Gambar huatan damo Rajo Romawi inyo disobut Kaisar.” “Aman ubo nian,” kato Yesus, “Onju' ko Kaisar la'apo inyo umputnnyo. Onju'jam ko Allah la'apo inyo monjadi umputn Allah!”

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Roma 16:17

Boko somadikan. Aku kotakng muhun ko kaitn oca' kaitn boboi'cam agatn boko urakng inyo honda' bulah popocahan di antaro kaitn. Sia' honda' oca' kaitn monjadi sosat. Ajaran sia' bolawatan agatn ajaran inyo udah ditorima' kaitn. Jangan tuyut sia'!

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.

1 Timotius 1:10

Allah pan moonji'i Hukupm Torat pakai' mongomboi'i caro hidup boko urakng inyo tukakng bomporajoan, boko urakng bokohonda'an agatn sosamo lolaki, boko urakng inyo monjual hulutnnyo, boko urakng inyo monyampaian kosasian tumbukannyo dalapm sidakng di pongadilan, boko urakng bulah kotumbukan, huatan somuo urakng inyo bulah boko hal botontakan agatn ajaran inyo bondar.

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

1 Timotius 1:6

Apo boko urakng totontu kinyo hidup sama'an nantai agi'. Sia' sosat obai mula'i bopandir mongona'i boko hal inyo kinyo boguno.

2 Timotius 1:13

Ajaran doi' aku ko kolai ia'an contoh ajaran inyo bondar. Jumpati cam ajaran nantai agatn totap hala pocayo ko Yesus huatan mongasihi urakng bukai di dalapm Kristus Yesus.

2 Timotius 4:3

Obai paca'an datakng watunyo, boko urakng kinyo honda' monorima' ajaran inyo bondar. Sia' bayo monuruti kohonda' sia' siku' mo. Jadi, sia' paca'an mongumpulan boko guru inyo moajaran boko hal inyo nyamanam sia' dinga'.

Titus 1:1

Ko Titus: inyo bondar-bondar sama'an ana'ku dalapm Yesus obai kito sosamo pocayo ko Yesus. Salapm doi' aku, Paulus. Allah moutus aku monjadi polayatn-Nyo. Yesus Kristus moutus aku monjadi rasul-Nyo. Aku udah diutus pakai' monulukng boko urakng inyo dipilih Allah oca' mongkitn pocayo ko Yesus. Aku pan diutus pakai' mongajar ajaran inyo bondar oca' boko urakng inyo dipilih Allah nantai hidup sosuai agatn kohonda'-Nyo. Pondasi ajaran nantai ia'an pongharapan paca'an hidup somanah-manahnyo, inyo udah Sio janjian sobolupm dunia dipulah. Allah Ponyolamant kito, co mungkitn tumbukan. Pas watu inyo ditontuan-Nyo, Allah udah moonji'i pomandiran-Nyo molalu'i Kabar Boi' inyo udah dipocayoan ko aku pakai' kuboritoan. Aku bodoa oca' Allah Bopai kito ongko Kristus Yesus, Ponyolamant kito monunju'an kasih karunia-Nyo huatan moonji'i sonang-asau ko kolai.

Titus 1:9

Io pan gola' bobondar pocayo Kabar Boi' inyo kito ajaran ko io, ia'an ajaran inyo bondar huatan ulih dipocayo. Io gola' bobondar pocayo tohadap ajaran nantai oca' io mampu momadahi ongko moonji'i somangant ko urakng bukai pakai' monaati ajaran inyo bondar nantai. Io gola' bobondar pocayo oca' io pan ulih monunju'an ko urakng inyo molawatn ajaran nantai, obai sia' salah.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.