1 Timotius 6:17 - Porjanjian Boharu Torjomahan Baso Dilakng Soari-ari

¹⁷ Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

1 Timotius 6:17 ပူးပေါင်းရင်းမြစ်များ

Kisah Boko Rasul 14:17

Apo sobondarnyo, Allah inyo moonji'i kaitn hujatn doi' langit. Allah inyo moonji'i pongulihan doi' boko tontanaman oca' kaitn ado pomakatn inyo cukup. Allah inyo bulah hati kaitn sonang. Allah moonji'i somuo koboi'an nantai ko kaitn oca' kaitn mongotohu'i obai Sio memang ado.”

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

Matius 19:23

Yesus bopandir ko boko murid-Nyo, “Dinga'anbo ni'in: Uyuh bondar urakng dampu monjadi anggota koluarga koraja'an Sorugo.

Titus 2:12

Agatn caro nantai, Allah mongajar kito oca' kito botongga' molabuhan boko hal inyo kinyo monyonangan Sio, ongko oca' kito botongga' jumpat kohonda' jahat dunia ni'in. Sio mongajar kito oca' kito mampu monahan diri kito, oca' kito hidup agatn caro inyo bondar di hadapan Sio, ongko oca' kito hidup sosuai agatn kohonda' Sio. Kito bolajar caro hidup sama'an nantai watu joman ni'in,

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

Lukas 19:2

Ado siku' urakng kopala' ponagih pajak inyo bodiapm di santai. Damonyo Zakheus. Io kotakng dampu.

Roma 11:20

Memang nantai bondar. Apo ingant obai sia' dipatahan obai sia' kinyo pocayo ko Yesus. Allah monorima' kaitn obai kaitn pocayo. Jadi, jangannam buhau obai kaitn monggonti'i sia'. Apo gola'cam agatn Allah!

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

Efesus 5:5

Kotohu'i cam ni'in: urakng inyo bulah dosa bomporajoan, urakng inyo bulah boko hal inyo kinyo sonunuh, urakng inyo kaha'-kolobu' (kaha'-kolobu' nantai rotinyo monjadian boko kohonda'-Nyo samo sama'an tuhatn sia'), somuo sia' kinyo ulih monjadi anggota Koraja'an Kristus huatan Allah.

Kisah Boko Rasul 17:25

Sio kinyo kokurakan la'apo pan. Jadi, Sio kinyo minto potulukan monsio. Malah sobali'nyo. Sio nam inyo moonji'i hidup, kosih, ongko somuo hal ko somuo monsio.

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Markus 10:24

Timpu boko murid-Nyo mondinga' nantai, Sia' kotakng hiratn. Apo Yesus bopandir agi', “Poana'an-Ku, memang kotakng uyuh tamo monjadi koluarga Koraja'an Allah.

Matius 27:57

Pas huntu malapm, ado siku' urakng dampu datakng. Damonyo Yusuf. Io salah siku' murid Yesus inyo boasal doi' kota Arimatea.

Matius 6:32

Boko urakng inyo kinyo konal Allah hala bogoyap somuonyo nantai. Apo Allah Bopai kaitn di sorugo udah tohu somuo kopontikan kaitn nantai.

1 Timotius 5:21

Di hadapan Allah, Kristus Yesus, ongko boko molekat inyo dipilih Allah, aku momorintah kolai: turuticam boko porintah nantai ongko co momihak ko boko urakng totontu.

Matius 12:32

Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Lukas 3:11

Yohanes monimbas, “Urakng inyo ado duo lambai' baju, gola' moonji'i solamba'i ko urakng inyo conyiant ado bajunyo. Huatan urakng inyo ado pomakatn, gola' bobagi ko urakng inyo conyiant pomakatnnyo.”

1 Timotius 6:9

Apo ado boko urakng inyo honda' monjadi urakng dampu. Obai nantai, watu sia' dicubo'i, sia' bulah dosa. Samo sama'an urakng kona' joyat inyo tuyut kohonda' inyo budu huatan mombohayoan. Baba'annyo, hidup sia' monjadi rusa' huatan paca'an bonaso.

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.

Matius 25:16

Hulutn inyo monorima' lima' ribu pingkai' duit nantai, lansukng botula' huatan monjadiannyo modal usaha. Io bodapat kountukan lima' ribu pingkai' duit agi'.