1 Timotius 5:5 - Porjanjian Boharu Torjomahan Baso Dilakng Soari-ari

⁵ Siku' botina' balu inyo bondar-bondar gola' ditulukng doi' jomaat ia'an botina' balu inyo hidup sonsiku'an, co nyiant koluarga pakai' monulukng io. Io boharap ko Allah. Io bodoa siakng-malapm mominto potulukan doi' Allah.

1 Timotius 5:5 ပူးပေါင်းရင်းမြစ်များ

1 Timotius 5:3

Hormaticam boko botina' balu inyo co nyiant koluarganyo pakai' monulukng sia'.

1 Petrus 3:5

Caro hidup nantai samo agatn caro hidup boko botina' doi' joman komai inyo monyombah Allah, ia'an boko botina' inyo boharap ko Allah. Sia' bulah diri sia' boi' agatn caro mohormati laki sia' sobagai kopala' koluarga.

1 Timotius 5:16

Boko botina' inyo pocayo gola' monulukng boko dongan somadikan sia' siku' inyo udah monjadi balu. Jadi, jomaat co nyiant bobatn monulukng boko botina' balu nantai inyo bondar-bondar pontikng ditulukng.

1 Korintus 7:32

Aku honda' oca' kaitn cado kuatir mongona'i la'apo pan. Siku' urakng lolaki inyo kinyo kawitn ulih borotian boko hal mongona'i Tuhatn, ia'an ubo apo caronyo io ulih monyonangan Tuhatn.

Lukas 18:1

Yesus momakai poumpamoan ni'in pakai' mongajar boko murid-Nyo oca' hala bodoa huatan co putus asa, obai doanyo tajahan dikabulan.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Lukas 18:7

Jadi, pasti Allah inyo boi' bulah koputusan inyo adil pakai' urakng pilihan-Nyo inyo bodoa ko Sio siakng malapm. Pasti Sio tajahan co kalo landai monulukng sia'.

1 Korintus 7:34

Ongko, pohatiannyo songkayo antaro koluarganyo agatn Tuhatn. Siku' urakng botina' inyo bolupm kalo kawitn damo co nyiant lakinyo agi', io ulih borotian boko hal mongona'i Tuhatn. Io honda' hidup husus pakai' Tuhatn, ia'an dalapm caro io monggunoan bukakng-tubuhnyo huatan dalapm pikirannyo. Apo siku' urakng botina' inyo kawitn gola' borotian mongona'i boko hal di dunia ni'in, ia'an ubo apo caronyo io ulih monyonangan lakinyo.

Roma 1:12

Masudku, watu aku bosamo kaitn, kito samo-samo ulih dikuatan. Ia'an, hati aku paca'an dikuatan obai moniant kaitn bondar-bondar pocayo ko Yesus. Sama'an nian jam, hati kaitn paca'an dikuatan obai kopocaya'anku.

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Kisah Boko Rasul 6:1

Mongkitn manah, mongkitn banya' urakng Yahudi inyo pocayo agatn Yesus. Ado urakng Yahudi inyo pocayo agatn Yesus inyo bobaso Ibrani. Ado jam inyo bobaso Yunani. Inyo bobaso Yunani tungi obai inyo bobaso Ibrani mombagi'i pomakatn sotiap ari ko boko urakng botina' balu kinyo adil. Boko urakng balu inyo bobaso Yunani hala kinyo dionji'i.

Kisah Boko Rasul 9:39

Jadi, Petrus lansukng tuyut sia'. Sampai di su'utn, Petrus dionju'an ko ruakan pucu' nantai. Somuo botina' balu bodiritn mongoliliki Petrus di santai. Kapikng monangis sia' moniant'an ko io boko baju huatan pakai'an bukai inyo dipulah Dorkas. Timpu Dorkas ija' hidup, io bulah somuo pakai'an nantai pakai' monulukng sia'.

Kisah Boko Rasul 9:41

Petrus mouluran longannyo, monulukng Tabita bodiritn. Lopas nian, Petrus moningkau somuo botina' balu huatan boko urakng bukai inyo pocayo Yesus. Io moniant'an ko sia' obai Tabita udah bobali' hidup doi' komatian.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

1 Timotius 2:1

Aku monosihat'i kolai: Inyo kotakng pontikng ia'an doa. Bodoacam pakai' diri kolai siku' ongko pakai' urakng bukai. Moucap sukurcam ko Allah obai somuo urakng,

2 Timotius 1:3

Aku bosukur ko Allah inyo aku layati agatn hati nuraniku inyo suci, samo agatn inyo udah dilabuhan angki-bayatnku. Aku hala bodoa pakai' kolai siakng-malapm.