1 Timotius 5:23 - Porjanjian Boharu Torjomahan Baso Dilakng Soari-ari

^23-25 Boko dosa sobagi'an urakng paca'an copat kotohuan sobolupm io diuji. Apourakng inyo paca'an monjadi ponotua' gola' diuji obai boko dosa sobagi'an urakng bukai cukup manah sobolupm kotohuan. Sama'an nian jam, porbuatan boi'. Ado inyo lansukng kotohuan apo ado inyo kinyo kotohuan. Apo pogota'an boi' inyo kinyo samo-jatu' kotohuan, apo manah-komanahanyo paca'an kotohuan. (Bokona'an kolai hala podih porut huatan ponyakit bukainyo di bukakng-tubuh kolai jangan bayo minum ara'i modas, apo dicampur anggur sodikit).

1 Timotius 5:23 ပူးပေါင်းရင်းမြစ်များ

Kisah Boko Rasul 18:5

Lopas nian, Silas ongko Timotius datakng doi' propinsi Makedonia. Jadi, Paulus ulih momakai somuo watunyo pakai' momboritoan ko somuo urakng inyo boagama Yahudi. Paulus momboritoan agatn jolas obai Yesus nantai Rajo Inyo Dijanjian Allah.

Efesus 5:18

Jangan kaitn mabu' obai anggur, obai urakng mabu' kinyo ulih monahan kohonda' bukakng-tubuhnyo. Apo kaitn gola' moikuti Roh Allah,

1 Timotius 3:3

Io co ulih jadi urakng pomabu'. Io co ulih jadi urakng inyo hala boporap apo gola' lomah-lombut. Io co ulih jadi urakng ponggodian. Io co ulih kaha' agatn duit.

1 Timotius 3:8

Samo sama'an ponotua', boko diakon gola' hidup agatn caro inyo boi'. Sia' gola' tohormat. Sia' gola' jadi urakng jujur. Sia' co ulih jadi urakng ongkah hala mabu'. Sia' co ulih kaha'-kolobu'.

1 Timotius 4:4

Somuo inyo dipulah Allah nantai boi', tomansu' somuo pomakatn. Co nyiant pomakatn inyo pomali asal ditorima' agatn oso sukur ko Allah.

Titus 1:7

Siku' urakng pongawas jomaat bokorojo moatur Rumah Allah. Obai niannam, io gola' hidup bujur bondar. Io culih buhau. Io culih copat godi damo urakng inyo pomabu'. Io culih gala' bokolohi damo gala' ngontumbuki urakng oca' mondapat'an untukng.

Titus 2:3

Ubo nian jam agatn boko botina' inyo udah tuho. Ajaricam sia' pakai' hidup agatn caro inyo mohormati Allah. Sia' culih bojaha'i urakng bukai. Sia' culih gala' minum sampai mabu'. Sia' gola' mongajar boko hal inyo boi'.