1 Timotius 5:22 - Porjanjian Boharu Torjomahan Baso Dilakng Soari-ari

²² Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa

1 Timotius 5:22 ပူးပေါင်းရင်းမြစ်များ

Kisah Boko Rasul 13:3

Sia' somuo bopuaso huatan bodoa agi'. Sia' molota'an jari ko Barnabas ongko Saulus kapikng bodoa mominto potulukan Allah, ongko monyiuh sia' duo botula' molabuhan polayatan nantai.

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Kisah Boko Rasul 20:26

Agatn sotia, aku udah moajaran ko kaitn mongona'i la'apo inyo dikohonda'i Allah pakai' somuo monsio. Obai nantai, ari ni'in aku momandiran: Aman ado urakng di antaro kaitn inyo mondapat hukupan nononyo obai co pocayo agatn Yesus, nantai kinyo tanggukng-jawab aku agi'.

Kisah Boko Rasul 6:6

Tujuh urakng ni'in dibaba' ko boko rasul. Boko rasul bodoa kapikng molota'an jarinyo ko kotujuh urakng nantai. Nianam caro sia' disiuh pakai' molabuhan tugas nantai.

Efesus 5:11

Jangan kaitn jumpat molabuhan boko porbuatan urakng inyo ija' hidup dalapm kogolapan. Somuo nantai sia-sia ja'am. Apo kaitn gola' botindak oca' boko porbuatan sia' kotohuan.

1 Timotius 3:10

Sobolupm boko diakon diangkat, sia' gola' diuji. Aman sia' hidup agatn caro inyo bondar, hoyu' sia' ulih diangkat pakai' molayati boko urakng inyo pocayo.

1 Timotius 3:2

Obai nantai, siku' urakng ponotua' gola' hidup agatn caro inyo boi'. Io gola' hidup bujur bondar oca' urakng bukai co ulih monyalahan io. Io co ulih bisi bini lobih doi' siku'. Io gola' ulih mongondalian dirinyo. Io gola' pintar-corodi' huatan sopatn. Io gola' agatn coraca'an moonji'i koluntukan. Io gola' mampu mongajar urakng agatn boi'.

1 Timotius 3:6

Watu momilih urakng pakai' monjadi ponotua', jangan momilih urakng inyo hoyu' pocayo ko Yesus. Mungkitn urakng inyo hoyu' pocayo sama'an nantai buhau. Aman io buhau, Allah paca'an mohukupm io samo sama'an Rajo Sitatn obai io pan buhau.

1 Timotius 4:12

Jangan sampai ado urakng inyo mohayam kolai obai kolai ija' muda'. Kolai gola' monjadi contoh pakai' boko urakng pocayo, dalapm pomandiran huatan kolaku'an, dalapm mongasihi urakng bukai huatan sotia ko Tuhatn. Hidup co bulah dosa.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

2 Timotius 1:6

Obai nantai, aku moingant'an kolai pakai' bulah komampuan husus kolai oca'nyo bonyalo lobih honggur. Komampuan husus nantai boasal doi' Allah timpu aku molota'an jariku ko pucu' kopala' kolai.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

Ibrani 6:2

ajaran mongona'i bomacapm baptisan, ajaran mongona'i molota'an jari ko urakng, ajaran obai boko urakng paca'an bobali' hidup agi' doi' komatian, huatan ajaran mongona'i hukupan inyo somanah-manahnyo.

2 Yohanes 1:11

Obai, urakng inyo monyalapi urakng ubo nian, boroti io monulukng urakng nantai dalapm porbuatannyo inyo jahat.

Wahyu 18:4

Lalu aku mondinga' saro doi' sorugo. Kato-Nyo, “Ui, umant-Ku! Kaitn gola' rari doi' io. Koluarcam, oca' kaitn co monjumpati boko dosanyo. Oca' kaitn co jumpat dihukupm agatn boko malopotakonyo.