1 Timotius 5:18 - Porjanjian Boharu Torjomahan Baso Dilakng Soari-ari

¹⁸ Obai ado totulis dalapm Buku Suci, “Jangan moirukng hidukng sapi inyo tongahan bokorojo moiri' gandupm. Huatan pan, urakng bokorojo bohak monorima' upah.”

1 Timotius 5:18 ပူးပေါင်းရင်းမြစ်များ

Matius 10:10

Jangan mombaba' tas pobokalan, pakai'an posalitn, sandal ponggonti, damo tungkah. Jangan dibaba' somuo nantai obai sotiap urakng bokorojo totap mondapat pomakatn.

Lukas 10:7

Sopo aja' inyo monorima' kaitn dalapm rumah, bodiapm di santai ja'am sampai kaitn botula' doi' tompat nantai. Jangan bopindah-pindah doi' rumah ko rumah. Samo sama'an siku' urakng inyo bokorojo bohak monorima' upah, kaitn pan bohak monorima' tanggaian doi' boko urakng watu kaitn momboritoan mongonaꞌi Koraja'an Allah. Apo pua'i ja'am la'apo inyo sia' onju' ko kaitn.

Roma 10:11

Samo sama'an pomandiran ni'in inyo totulis di Buku Suci: “Somuo urakng inyo pocayo ko Sio, kinyo kalo monjadi malu obai sia' pocayo.”

Roma 11:2

Allah co monula' urakng inyo bondar-bondar umat-Nyo inyo udah Sio pilih doi' komaimo. Pasti kaitn ingant pomandiran nabi Elia inyo totulis dalapm Buku Suci. Timpu io mongaduan banso Israel ko Allah. Katonyo,

Roma 4:3

Obai, dalapm Buku Suci totulis sama'an ni'in, “Abrahapm pocayo ko Allah. Nantaiam alasan Abrahapm ulih monjadi bondar di hadapan Allah.”

Roma 9:17

Apo ingant cam pomandiran Allah ni'in ko rajo Mesir inyo totulis dalapm Buku Suci, “Ubo ninam alasan Ku moangkat kolai monjadi rajo, ia'an oca', ‘Aku ulih monunju'an kuaso-Ku dalapmla'apo pan inyo tajahan tojadi ko kolai, ongko oca' somuo urakng di soluruh bumi mongotohu'i damo-Ku.’ ”

1 Korintus 9:14

Samo sama'an nantai jam, Tuhatn Yesus udah bulah poraturan ni'in: Boko urakng inyo momboritoan Kabar Boi', sia' bohak mondapat'an kopontikan hidup doi' pokoroja'an nantai.

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

Yakobus 4:5

Hal nian sosuai agatn tulisan ni'in dalapm Buku Suci, “Allah mombulah Roh-Nyo bodiapm di dalapm diri kito. Roh Allah nantai monulukng oca' kito moncintai Sio lobih doi' kito moncintai boko hal bukai. Jangan kaitn bopikir tulisan nian co nyiant ado rotinyo.”