1 Timotius 5:15 - Porjanjian Boharu Torjomahan Baso Dilakng Soari-ari

¹⁵ Porotian cam boko nosihat nantai, obai ado boboropo urakng botina' balu inyo ija' muda' udah tongga' am hidup monyonangan hati Allah lalu monyonangan Rajo Sitatn.

1 Timotius 5:15 ပူးပေါင်းရင်းမြစ်များ

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

1 Timotius 1:20

Himeneus ongko Aleksander ado di antaro boko urakng sama'an nantai. Aku udah monyorahan sia' ko Rajo Sitatn agatn caro monundukng sia' doi' posokutuan urakng pocayo. Agatn sama'an nantai, sia' ulih bolajar botongga' mohayam Allah.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

2 Timotius 2:18

Sia' duo nantai kinyo pocayo agi' agatn ajaran inyo bondar. Sia' duo mongajar obai Allah udah bulah boko urakng hidup agi' doi' komatian watu ni'in. Obai ajaran nantai, ongko sia' bulah boboropo urakng inyo pocayo co pocayo agi' ko Yesus huatan ajaran inyo bondar.

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

2 Petrus 2:2

Banya' urakng paca'an monumpakng caro hidup sia' inyo dikuaso'i hawa napsu inyo jahat. Obai sia' molabuhan nantai, jadi urakng bukai paca'an mohayam Jalatn Kristus Inyo Bondar.

2 Petrus 3:16

Dalapm somuo suratnyo, Paulus monulis mongona'i hal nantai. Memang dalapm boko suratnyo nantai ado boko hal inyo uyuh dimongoroti sampai ado boko urakng momutarbali'an hal nantai sosuai agatn pikiran sia' siku'. Apo sia' ia'an urakng inyo kinyo mongoroti huatan kinyo kuat pocayo. Sia' molabuhan hal nantai agatn boko hal inyo ditulis hulutn Allah inyo bukainyo jam. Obai nantai, sia' sikuꞌ moakibat'an kobinasoan sia' mo.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.