1 Timotius 5:14 - Porjanjian Boharu Torjomahan Baso Dilakng Soari-ari

¹⁴ Obai nianam, aku honda' somuo botina' balu ija' muda' bolaki agi'. Sia' gola' bolaki oca' ija' boana' lalu mourus rumah tanggo sia' masikng-masikng. Agatn caro nianam, boko urakng inyo molawatn kito, co nyiant ado alasan pakai' monjahai'an damo boko urakng inyo pocayo.

1 Timotius 5:14 ပူးပေါင်းရင်းမြစ်များ

Roma 14:13

Obai nantai, jangannam kito hala mohakipi agi'! Apo, kito gola' bousaha oca' kito co molabuhan la'apo pan inyo ulih mombulah urakng bukai tojorumus ko dalapm dosa.

2 Korintus 11:12

Apo ninam alasan ku co kalo minto duit doi' kaitn samo sama'an boko urakng totontu nantai: Ia'an nantai, oca' sia' conyiant kosompatan pakai' momuji diri agatn bopandir sia' samo sama'an koi.

1 Timotius 2:8

Obai nantai, ongko aku bohak momuhun ko somuo lolaki: Di mono aja' kaitn bokumpul, kaitn gola' bodoa. Apo bodoa agatn hati inyo borosih. Jangan monyimpatn ponggodi dalapm hati. Jangan bokonjahatan agatn urakng bukai.

1 Timotius 4:3

Boko urakng tumbukan nantai morarakng urakng pakai' kawitn. Sia' pan morarakng urakng pakai' makatn pomakatn totontu. Apo sobondarnyo Allah bulah somuo pomakatn oca' boko urakng inyo pocayo ajaran bondar monorima' pomakatn agatn oso sukur ko Sio.

1 Timotius 5:11

Apo jangan moncatat damo boko botina' balu inyo ija' muda' dalapm daptar nantai. Obai aman sia' ado kohonda' bomporajoan agatn boko lolaki, lalu sia' paca'an bayo bopikir honda' bolaki agi'. Aman sama'an nian, sia' paca'an tongkolupatn janji sia' pakai' molayati Kristus.

1 Timotius 6:1

Somuo hulutn inyo pocayo ko Yesus gola' mohormati habakng sia'. Sia' gola' sama'an nian oca' urakng bukai co mohayam Allah kito huatan ajaran kito.

Titus 2:5

oca' sia' mongondalian diri sia', oca' sia' kinyo bulah dosa, oca' sia' rajitn moatur rumah tanggo sia', oca' sia' boi' hati, ongko oca' sia' monuruti pimpitan lakinyo. Aman sia' molabuhan inyo ubo nian urakng bukai kinyo bopandir monjahai'an Pomandiran Allah.

Titus 2:8

Ajaricam ajaran inyo bondar oca' urakng inyo molawatn kolai co ulih monyalahan ajaran nantai. Aman sia' co ulih mongatoan boko hal inyo jahat mongona'i kito, sia' paca'an monjadi malu.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.