1 Timotius 5:1 - Porjanjian Boharu Torjomahan Baso Dilakng Soari-ari

¹ Aman kolai moolikan siku' urakng lolaki inyo lobih tuho doi' kolai, jangan kolai moolikannyo agatn koras. Apo momadahinyo socaro hormat samo sama'an kolai bopandir ko Bopai kolai siku'. Onji'i nosihat ko boko lolaki inyo lobih muda' doi' kolai samo sama'an adikng kolai siku'.

1 Timotius 5:1 ပူးပေါင်းရင်းမြစ်များ

Titus 2:2

Ajaricam boko lolaki inyo udah tuho oca'nyo ulih monahan diri sia'. Sia' gola' sopatn ongko pintar-corodi'. Sia' gola' totap pocayo ko Yesus, mongasihi Allah ongko urakng bukai, huatan botahatn dalapm mohadapi ajab sonsaro.

1 Petrus 5:1

Ko somuo ponotua' jomaat di antaro kaitn aku moonju' nosihat ni'in: Aku ninam ponotua' inyo momimpitn kolompok urakng pocayo samo sama'an kaitn. Agatn matoku siku', aku udah moniant Kristus mondorita'. Huatan nononyo Kristus paca'an datakng lalu monunju'an obai Sionam inyo bokuaso. Timpu nantai, aku pan tuyut dapat komulia'an jam. Jadi, aku minto kotakng sangant:

Galatia 6:1

Boko somadikan, aman siku' urakng di antaro kaitn ditomuan bulah dosa. Jadi, kaitn inyo hidupnyo dipimpitn Roh Allah gola' monulukng urakng nantai. Kaitn gola' monulukng io oca' io tongga' bulah dosa nantai. Apo, kaitn gola' molabuhan nantai agatn hati inyo tulus. Boboi'cam! Ingant, jangan sampai kaitn pan bulah dosa jam.

Titus 2:6

Sama'an nian jam boko lolaki inyo ija' muda'. Padahicam ongko onji'i nosihat ko sia' oca' ulih monahan diri sia' dalapm hal la'apo pan.

Matius 23:8

Apo jangan kaitn gala' disobut ‘Guru’. Obai, kaitn bayo ado siku' mo ‘Guru’, ia'an Aku. Huatan kaitn somuo somadikan.

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Roma 13:7

Jadi, kaitn gola' mombayar somuo urakng inyo patut kaitn bayar. Bayarcam pajak ko urakng inyo bohak monorima' pajak huatan cukai ko urakng inyo monorima' cukai. Rogo'icam somuo urakng inyo patut kaitn rogo'i. Hormaticam somuo urakng inyo patut kaitn hormati.

Kisah Boko Rasul 15:4

Lopas nantai, Paulus ongko Barnabas huatan kolompok urakng doi' Antiokhia tuntukng ko Yerusalem. Sia' duo ditorima' agatn boi' ulih somuo jomaat tomansu' boko ponotua' jomaat huatan boko rasul. Paulus ongko Barnabas mongisahan somuo inyo udah Allah labuhan dalapm polayatan sia' ko boko urakng bukainyo Yahudi.

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

Wahyu 4:4

Ado duo puluh ompat tahta bukainyo inyo mongoliliki tahta nantai. Duo puluh ompat pomimpitn dudu' di boko tahta nantai. Sia' bopakaian putih huatan tiap iku' ado mahkota omas di kopala'.

3 Yohanes 1:1

Surat ni'in doi'ku, inyo momimpitn jomaat. Ko inyo tohormat: Gayus inyo tokasih. Inyo ku kasihi obai kito sosamo pocayo agatn ajaran inyo bondar.

2 Yohanes 1:1

Surat ni'in doi' ku, inyo momimpitn kaitn. Ko inyo tohormat: Indai inyo udah dipilih Allah huatan poana'an kolai. Aku bondar-bondar mongasihi kaitn. Bukainyo bayo aku, apo kaitn pan dikasihi jam ulih somuo urakng inyo pocayo agatn ajaran inyo bondar.

Yakobus 5:14

Aman ado di antaro kaitn inyo sakit, io gola' moningkau boko ponotua' jomaat oca' bodoa pakai' io. Sia' gola' momalitan minya' jaitun kapikng bodoa dalapm damo ongko kuaso Tuhatn.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

Kisah Boko Rasul 20:17

Obai koi co singgah di Efesus, jadi Paulus monyiuh siku' urakng pakai' monyampaian posatn ko boko ponotua' di su'utn. Io minto oca' sia' datakng monomu'i io di Miletus.

Kisah Boko Rasul 15:6

Lopasnyo, boko rasul huatan boko ponotua' bokumpul pakai' pokaro mosalah nantai.

1 Timotius 5:2

Padahicam boko botina' inyo lobih tuho doi' kolai nantai samo sama'an indai kolai siku'. Ubo nian jam agatn botina' inyo lobih muda' doi' kolai, kolai gola' agatn hati inyo boi' moanggap sia' samo sama'an adikng kolai siku'.