1 Timotius 4:8 - Porjanjian Boharu Torjomahan Baso Dilakng Soari-ari

⁸ Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

1 Timotius 4:8 ပူးပေါင်းရင်းမြစ်များ

Matius 12:32

Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Matius 19:29

Ado urakng udah moninggalan rumahnyo, somadikan lolaki ongko botina', bopainyo, indainyo, poana'annyo, ongko lakaunyo. Somuo urakng inyo udah moninggalan somuo nantai obai pocayo ko Aku, sia' paca'an mondapat'an agi' doi' Allah soratus kali lipat. Sia' pan paca'an mondapat'an hidup somanah-manahnyo.

Matius 6:33

Jadi, tolobih doholu goyapcam Koraja'an Allah huatan kobondaran-Nyo. Somuonyo paca'an ditambahan ko kolai. Ongko lopas nantai, somuo kopontikan kaitn paca'an dionju' ko kaitn jam.

Markus 10:30

timpu ni'in jam, somuo urakng nantai paca'an bobali' mondapat'annyo soratus kali lipat: rumah, somadikan, indai, ana', huatan lakau. Sia' pan paca'an didorako'i. Apo, nononyo, sia' paca'an mondapat'an hidup kokal di sorugo.

Lukas 5:38

Anggur inyo boharu gola' disimpatn ko dalapm kantong inyo boharu jam.

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

1 Korintus 8:8

Sobondarnyo, kito kinyo monjadi lobih boi' di hadapan Allah aman kito kinyo bopua' pomakatn totontu. Allah pan kinyo moanggap kito lobih boi' aman kito bopua' pomakatn totontu.

1 Timotius 4:7

Apo jangan pondinga'an boko kisah sangan. Boko kisah sama'an nantai kinyo monulukng urakng oca' mohormati Allah. Kolai gola' hala bolatih oca' hidup sosuai agatn kohonda' Allah.

1 Timotius 6:3

Sopo pan urakng inyo mongajar ajaran inyo kinyo bondar, ajaran sia' songkayo doi' ajaran Yesus Kristus, Tuhatn inyo bokuaso. Ajaran sia' nantai kinyo monulukng urakng pakai' hidup sosuai agatn kohonda' Allah.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

1 Timotius 6:6

Apo, aman kito mooso tokosih agatn la'apo inyo ado di kito, molabuhan ajaran agama suba' mombaba' kountukan inyo sobondarnyo bosar.

2 Timotius 3:5

Kotiat'annyo sia' hidup sosuai agatn kohonda' Allah. Apo sobondarnyo, sia' co honda' tundu' agatn kuaso Allah dalapm hidup sia'. Padohan mondinga'an boko urakng sama'an nantai.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

1 Yohanes 2:25

Ongko ninam inyo udah Sio janjian ko kito, ia'an hidup inyo somanah-manahnyo.

Wahyu 3:12

Boko urakng inyo monang, Aku paca'an bulah sia' monjadi boko tihakng dalapm Rumah Allah-Ku. Sia' paca'an bodiapm di su'utan soumur hidupnyo. Aku pan paca'an monulis damo Allah-Ku dibukakng sia', damo kota Allah-Ku, ia'an nantai kota Yerusalem boharu inyo turutn doi' sorugo doi' Allah-Ku. Aku pan paca'an monulis damo-Ku inyo boharu di bukakng sia'.

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.