1 Timotius 4:5 - Porjanjian Boharu Torjomahan Baso Dilakng Soari-ari

⁵ Obai somuo pomakatn dipulah monjadi suci agatn doa huatan pomandiran Allah.

1 Timotius 4:5 ပူးပေါင်းရင်းမြစ်များ

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Lukas 4:4

Apo Yesus bopandir ko Rajo Sitatn, “Pomandiran Allah inyo ditulis dalapm Buku Suci, ‘Urakng kinyo bayo momontikan pomakatn pakai' kohidupan inyo sobondarnyo.’”

1 Korintus 7:14

Obai siku' urakng lolaki inyo bolupm pocayo udah monjadi umputn Allah obai bininyo pocayo. Ubo nian jam siku' urakng bini inyo bolupm pocayo udah monjadi umputn Allah obai lakinyo pocayo. Aman cado ubo nian, poana'an sia' pan co monjadi umputn Allah. Apo sobondarnyo poana'an sia' udah monjadi umputn Allah jam.

1 Timotius 4:3

Boko urakng tumbukan nantai morarakng urakng pakai' kawitn. Sia' pan morarakng urakng pakai' makatn pomakatn totontu. Apo sobondarnyo Allah bulah somuo pomakatn oca' boko urakng inyo pocayo ajaran bondar monorima' pomakatn agatn oso sukur ko Sio.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

Ibrani 11:3

Obai kito pocayo, jadi kito mongoroti Allah mombulah sogolintaran alapm ni'in agatn momakai pomandiran-Nyo ja'am. Jadi, somuo inyo kito tiat, tojadi doi' somuo hal inyo kinyo ulih di tiat.