1 Timotius 4:3 - Porjanjian Boharu Torjomahan Baso Dilakng Soari-ari

³ Boko urakng tumbukan nantai morarakng urakng pakai' kawitn. Sia' pan morarakng urakng pakai' makatn pomakatn totontu. Apo sobondarnyo Allah bulah somuo pomakatn oca' boko urakng inyo pocayo ajaran bondar monorima' pomakatn agatn oso sukur ko Sio.

1 Timotius 4:3 ပူးပေါင်းရင်းမြစ်များ

Matius 14:19

Lalu Sio monyiuh boko urakng nantai dudu' di pucu' rumput. Lopas nian, Yesus monguti' lima' pingkai' roti agatn duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, dionju'nyo ko boko murid-Nyo oca' di pombagian ko boko urakng banya' nantai.

Matius 15:11

Dinga'an huatan mongoroti cam ni'inan: boko hal inyo mansu' ko dalapm nyao kinyo bulah boko urakng monjadi campah. Apo boko hal inyo koluar doi' nyao, nanam inyo bulah boko urakng monjadi campah bukakng-tubuhnyo.”

Matius 15:36

Lopas nian, Yesus monguti' tujuh pingkai' roti ongko boboropo ikatn nantai lalu moucap'an torima' kasih ko Allah. Sio momingkai'-mingkai' roti ongko ikatn nantai, lalu dionju'nyo ko boko muridnyo oca' dipombagian ko boko urakng banya' nantai.

Lukas 24:30

Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Yohanes 6:23

Lopas nantai ado boboropo porohu inyo datakng doi' kota Tiberias. Boko porohu nantai datakng ko dampikng tompat Tuhatn Yesus moonji'i roti ko boko urakng banya' somamannyo lopas jadi Sio moucap'an torima' kasih ko Allah.

Kisah Boko Rasul 27:35

Lopas jadi io bopandir nantai, io monguti' roti ongko botorima' kasih ko Allah di hadapan somuo urakng. Io momingkai'-mingkai' roti nantai, ongko mula'i momua'inyo.

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

Roma 14:3

Urakng inyo bopua' la'apo pan, jangannam io mohanyam urakng inyo bayo bopua' pomakatn inyo totontu nantai. Urakng inyo bayo bopua' pomakatn inyo totontu nantai, jangan io monyalahan urakng inyo bopua' la'apo pan, obai Allah udah monorima' urakng nantai.

Roma 14:6

Urakng inyo bopikir ado ari totontu inyo lobih pontikng, io molabuhan nantai pakai' mohormati Tuhatn. Urakng inyo bopua' la'apo ja', io molabuhan nantai pakai' mohormati Tuhatn obai io bosukur ko Allah. Urakng inyo bayo bopua' pomakatn inyo totontu, io molabuhan nantai pakai' mohormati Tuhatn. Io pan bosukur ko Allah.

1 Korintus 6:13

Pomakatn dipulah pakai' moisi'i porut kito. Porut kito dipulah pakai' mooso'i pomakatn: Apo Allah paca'an mohancuran kododuonyo. Allah co bulah bukakng-tubuh kito pakai' bomporajoan. Bukakng-tubuh kito dipulah pakai' molabuhan boko hal inyo monyonangan Tuhatn Yesus. Tuhatn inyo monguaso'i bukakng-tubuh kito.

1 Korintus 7:28

Apo aman siku' urakng lolaki kawitn, nantai kinyo dosa. Ubo nian jam, aman siku' urakng botina' kawitn, nantai kinyo dosa. Apo boko urakng inyo kawitn paca'an moalapi banya' ajab sonsaro dalapm dunia ni'in. Kohonda'ku kaitn co moalapi boko ajab sonsaro sama'an nantai.

1 Korintus 8:8

Sobondarnyo, kito kinyo monjadi lobih boi' di hadapan Allah aman kito kinyo bopua' pomakatn totontu. Allah pan kinyo moanggap kito lobih boi' aman kito bopua' pomakatn totontu.

Kolose 2:16

Obai somuo nantai, jangan borotian urakng inyo monyalahan kaitn mongona'i boko poraturan agama, sama'an: poraturan mongona'i pomakatn, minuman, boko ari rayo, poraya'an bulatn boharu, Ari Sabat.

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

1 Timotius 4:4

Somuo inyo dipulah Allah nantai boi', tomansu' somuo pomakatn. Co nyiant pomakatn inyo pomali asal ditorima' agatn oso sukur ko Allah.

1 Timotius 5:14

Obai nianam, aku honda' somuo botina' balu ija' muda' bolaki agi'. Sia' gola' bolaki oca' ija' boana' lalu mourus rumah tanggo sia' masikng-masikng. Agatn caro nianam, boko urakng inyo molawatn kito, co nyiant ado alasan pakai' monjahai'an damo boko urakng inyo pocayo.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.