1 Timotius 3:1 - Porjanjian Boharu Torjomahan Baso Dilakng Soari-ari

¹ Pomandiran ni'in bondar, “Aman ado urakng inyo honda' monjadi ponotua' jomaat, memang urakng nantai mongohonda'i pokoroja'an inyo boi'.”

1 Timotius 3:1 ပူးပေါင်းရင်းမြစ်များ

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Roma 11:13

Ni'in, aku bopandir ko kaitn boko banso bukainyo banso Yahudi. Obai aku ninam rasul inyo molayati boko urakng bukainyo urakng Yahudi, jadi aku momuji polayatanku nantai.

Efesus 4:12

Kristus moonji'i boko komampuan nantai oca' sia' ulih mombulah somuo urakng bukai inyo pocayo monjadi mampu pakai' molayati Sio. Agatn sama'an nantai, soluruh jomaat botumbuh huatan monjadi kuat dalapm Kristus.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

1 Timotius 4:9

Porbaso nantai bondar. Soharusnyo somuo urakng pocayo hal nantai.

2 Timotius 2:11

“Aman kito mati bosamo Yesus, kito pan paca'an hidup bosamo Sio. Aman kito botahatn mohadapi ajab sonsaro, kito pan paca'an momorintah bosamo agatn Sio sama'an boko rajo. Apo aman kito momandiran obai kito co konal agatn Sio, Sio paca'an momandiran obai Sio co konal agatn kito. Biar pan kito co sotia ko Sio, Sio pagutn sotia ko kito, Obai Sio co dapat molawatn diri-Nyo siku'.” Bondaram pomandiran ni'in.

Titus 1:7

Siku' urakng pongawas jomaat bokorojo moatur Rumah Allah. Obai niannam, io gola' hidup bujur bondar. Io culih buhau. Io culih copat godi damo urakng inyo pomabu'. Io culih gala' bokolohi damo gala' ngontumbuki urakng oca' mondapat'an untukng.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

1 Petrus 2:25

Komai, kaitn samo sama'an domba inyo sosat. Apo ni'in kaitn udah tuyut Kristus. Sio samo sama'an gombala inyo molinduki jiwa kaitn.

1 Petrus 4:15

Jangannam ado di antaro kaitn inyo gola' mondorita' obai kaitn mombunuh urakng bukai, mongolit, bulah kojahatan damo bulah korusuhan.

1 Petrus 5:2

Kobolo cam boko domba Allah inyo ado di kaitn. Kaitn gola' momimpitn sia' agatn sonang hati sosuai agatn kohonda' Allah. Jangan mooso toposo. Layati sia' obai kaitn bondar-bondar monulukng, bukainyo obai kaitn honda' bogoyap untukng.