1 Timotius 2:5 - Porjanjian Boharu Torjomahan Baso Dilakng Soari-ari

⁵ Obai, bayo siku' Allah inyo bondar. Bayo siku' Porontaro antaro Allah agatn somuo monsio, ia'an Kristus Yesus.

1 Timotius 2:5 ပူးပေါင်းရင်းမြစ်များ

Galatia 3:20

Siku' urakng porontaro momontikan lobih doi' sopihak, apo Allah totap siku' mo.

1 Korintus 8:6

Apo pakai' kito, bayo ado siku' mo Allah, ia'an Allah Bopai kito. Sio inyo monjadian somuo hal. Kito hidup pakai' monyombah Sio. Pakai' kito, bayo ado siku' Tuhatn, ia'an Yesus Kristus. Somuo hal dipulah molalu'i Yesus Kristus. Kito bodapat hidup inyo sobondarannyo obai Yesus Kristus.

Ibrani 9:15

Obai nantai, Kristus nam Porontaro inyo moadoan pojanjian boharu, ia'an oca' urakng inyo ditingkau Allah ulih monorima' somuo borokat pakai' somanah-manahnyo inyo udah dijanjian-Nyo. Somuonyo nantai ulih tojadi obai udah ado inyo mati, ia'an Kristus. Komatian-Nyo mombebasan urakng doi' boko kosalahan inyo dilabuhan sia' timpu pojanjian inyo potamo ija' bolaku.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Ibrani 12:24

Kaitn datakng mohadap Yesus inyo monjadi Porontaro inyo moadoan pojanjian boharu inyo Allah pulah agatn monsio, ongko ko darah-Nyo inyo momborosihi kaitn doi' dosa. Darah nantai bopandir mongona'i lou' inyo lobih boi' daripado darah Habel.

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Roma 10:12

Urakng Yahudi ongko urakng bukainyo urakng Yahudi disolamant'an agatn caro inyo samo. Conyiant pobedaan obai ongkah ado siku' Tuhatn inyo bokuaso di pucu' somuo monsio ongko Sio momborokati somuo monsio inyo minto tulukng ko Sio.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Ibrani 8:6

Apo watu ni'in, Yesus ado polayatan inyo jouh lobih boi' doi' polayatan boko imam di dunia. Obai, Sio monjadi Porontaro inyo moadoan Pojanjian Boharu inyo Allah pulah agatn monsio. Pojanjian nantai lobih boi' obai boko hal inyo dijanjian Allah lobih boi' jam.

Efesus 4:6

Ongkah ado siku' Allah, siku' Bopai somuo urakng inyo pocayo. Sio bokuaso di pucu' somuo hal, bokorojo molalu'i somuo hal, ongko ada'an dalapm somuo hal.

1 Korintus 8:4

Nah, mongona'i potakutan ni'in: Ulih cado kito bopua' dagikng bonatakng inyo diposombahan ko boko duato? Kito tohu, “co nyiant boko duato di dunia ni'in inyo bondar-bondar hidup.” Kito pan tohu, “Bayo ado siku' mo Allah inyo bondar. Co nyiant am inyo bukai.”

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Wahyu 1:13

Di tongah-tongah boko tihakng pompolitoan nantai, ado siku' urakng inyo kotiat'annyo ubo ‘Ana' Monsio’. Sio momakai jubah inyo panjakngnyo sampai ko kaki. Huatan di dado-Nyo ado pongobat punggukng doi' omas.

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Kisah Boko Rasul 4:12

Jadi ongkah Yesus nam inyo dapat monyolamant'an monsio doi' hukupan dosa. Obai di soluruh dunia bayo Sioam dionji'i kuaso ulih Allah pakai' monyolamant'an monsio. Co nyiant inyo bukai.”

Roma 1:3

Kabar Boi' nantai mongona'i Ana'-Nyo, ia'an Yesus Kristus, Tuhatn inyo bokuaso dipucu' kito. Yesus dilahiran socaro monsio sobagai koturutan Rajo Daud. Apo, Yesus jam ia'an Urakng Inyo Kudus doi' Allah. Obai, timpu watu Sio bobali' hidup doi' komatian, Allah monunju'an obai Yesus ia'an Ana'-Nyo inyo bokuaso.

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

Lukas 14:22

Lopas nian, hulutn nantai bopandir ko habakngnyo, ‘Habakng, aku udah molabuhan porintah duatn nantai, apo ija' ado tompat logo pakai' banyaꞌ tamu' agi'.’