1 Timotius 2:4 - Porjanjian Boharu Torjomahan Baso Dilakng Soari-ari

⁴ Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

1 Timotius 2:4 ပူးပေါင်းရင်းမြစ်များ

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Lukas 1:77

Kolai tajahan molabuhan nantai oca' moonji'i pongorotian ko umant Sio, siaꞌ tajahan disolamant'an obai boko dosa siaꞌ diamputi.

Lukas 14:23

Lalu, habakng nantai monyiuh hulutnnyo, ‘Botula'cam ko boko jalatn bosar ongko ko boko sako jalatn di luar kota. Hundakngcam boko urakng doi' su'utn ko pogai ongko makatn jam. Kongkanti'icam sia' pakai' datakng, oca' rumahku bisi.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 17:17

Pulahcam sia' monjadi husus umputn Duatn agatn momakai ajaran inyo bondar. Pomandiran Duatn nantaiam inyo bondar.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

2 Timotius 3:7

Boko botina' nantai bolajar boko ajaran boharu. Apo sia' co kalo mampu monorima' ajaran inyo bondar.

Titus 1:1

Ko Titus: inyo bondar-bondar sama'an ana'ku dalapm Yesus obai kito sosamo pocayo ko Yesus. Salapm doi' aku, Paulus. Allah moutus aku monjadi polayatn-Nyo. Yesus Kristus moutus aku monjadi rasul-Nyo. Aku udah diutus pakai' monulukng boko urakng inyo dipilih Allah oca' mongkitn pocayo ko Yesus. Aku pan diutus pakai' mongajar ajaran inyo bondar oca' boko urakng inyo dipilih Allah nantai hidup sosuai agatn kohonda'-Nyo. Pondasi ajaran nantai ia'an pongharapan paca'an hidup somanah-manahnyo, inyo udah Sio janjian sobolupm dunia dipulah. Allah Ponyolamant kito, co mungkitn tumbukan. Pas watu inyo ditontuan-Nyo, Allah udah moonji'i pomandiran-Nyo molalu'i Kabar Boi' inyo udah dipocayoan ko aku pakai' kuboritoan. Aku bodoa oca' Allah Bopai kito ongko Kristus Yesus, Ponyolamant kito monunju'an kasih karunia-Nyo huatan moonji'i sonang-asau ko kolai.

Titus 2:11

Allah udah monunju'an koboi'an-Nyo inyo monyolamant'an somuo urakng. Biar pan kito kinyo cucu', Sio udah moonji'i jalatn oca' somuo urakng ulih disolamant'an.

Ibrani 10:26

Obai, aman kito songajo bulah dosa lopas kito monorima' ajaran inyo bondar, jadi conyiant kurbatn posombahan agi' inyo ulih mohapus dosa nantai.

Yakobus 3:14

Apo aman kaitn tungi hati huatan ado kohonda' dalapm hati pakai' monjadi lobih hebat daripado urakng bukai, jangan kaitn buhau huatan jangan momutarbali'an borito inyo bondar doi' Allah.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.

2 Yohanes 1:1

Surat ni'in doi' ku, inyo momimpitn kaitn. Ko inyo tohormat: Indai inyo udah dipilih Allah huatan poana'an kolai. Aku bondar-bondar mongasihi kaitn. Bukainyo bayo aku, apo kaitn pan dikasihi jam ulih somuo urakng inyo pocayo agatn ajaran inyo bondar.

Wahyu 14:6

Lopas nian aku moniant siku' urakng molekat bukai inyo trobakng tinggi di langit. Molekat nantai mombaba' Kabar Boi' inyo bolaku pakai' somanah-manahnyo. Io momboritoan Kabar Boi' nantai ko somuo urakng inyo bodiapm di bumi, ia'an boko urakng doi' sotiap banso, sotiap suku, sotiap baso, sotiap negara.