1 Timotius 2:15 - Porjanjian Boharu Torjomahan Baso Dilakng Soari-ari

¹⁵ Biar pan Hawa bodosa boko botina' ulih disolamant'an agatn molahiran ana'. Aman sia' hala pocayo ko Yesus, aman sia' mongasihi urakng bukai, huatan aman sia' hidup agatn caro inyo suci huatan ulih monjago dirinyo.

1 Timotius 2:15 ပူးပေါင်းရင်းမြစ်များ

Titus 2:12

Agatn caro nantai, Allah mongajar kito oca' kito botongga' molabuhan boko hal inyo kinyo monyonangan Sio, ongko oca' kito botongga' jumpat kohonda' jahat dunia ni'in. Sio mongajar kito oca' kito mampu monahan diri kito, oca' kito hidup agatn caro inyo bondar di hadapan Sio, ongko oca' kito hidup sosuai agatn kohonda' Sio. Kito bolajar caro hidup sama'an nantai watu joman ni'in,

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

1 Timotius 2:9

Aku pan muhun ko somuo botina' pakai' bopakaian agatn caro inyo boi', sederhana, ongko sopatn. Jangan moatur rambut kaitn agatn caro inyo bolobihan. Jangan momakai pohiasan omas damo mutiara. Jangan momakai pakai'an inyo bokomahalan.

1 Timotius 1:14

Apo Tuhatn kito kotakan momborokati aku agatn caro bulah aku monjadi pocayo agatn Sio huatan ulih mongasihi.

1 Korintus 12:23

Boko bagian bukakng-tubuh inyo kito anggap kurakng dihormati, sobondarnyo kito lobih mohormati boko bagian nantai. Caronyo kito monutupi boko bagian nantai agatn pakai'an. Apotolagi' boko bagian bukakng-tubuh inyo co ulih dipontiat'an di muka' umum. Kito mohormati boko bagian nantai agatn borotian boko bagian nantai hala ditungkau'i agatn pakai'an.