1 Timotius 2:1 - Porjanjian Boharu Torjomahan Baso Dilakng Soari-ari

¹ Aku monosihat'i kolai: Inyo kotakng pontikng ia'an doa. Bodoacam pakai' diri kolai siku' ongko pakai' urakng bukai. Moucap sukurcam ko Allah obai somuo urakng,

1 Timotius 2:1 ပူးပေါင်းရင်းမြစ်များ

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

Efesus 5:20

Hala bosukur cam ko Allah Bopai kito pakai' somuo hal, bosukur cam ko Sio dalapm damo Tuhatn kito, Yesus Kristus.

2 Timotius 2:24

Urakng inyo molayati Tuhatn co ulih bokolohi. Io gola' ramah ko somuo urakng. Io gola' corodi' mongajar. Io pan gola' hala sabar.

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

Filipi 1:3

Sotiap kali aku moingant kaitn, aku moucap sukur ko Allahku.

Ibrani 6:11

Apo koi honda' kaitn siku'-monyiku' totap torus bosomangant mombulah sama'an nantai sampai ahir, oca' kaitn yakitn mongona'i harapan kaitn.

Titus 3:2

Ingant'ancam ko sia' oca' jangan monjahai'an damo urakng bukai huatan jangan botikakng. Apo sia' gola' bondar-bondar coraca'an ongko lomah-lombut agatn somuo urakng, tomansu' agatn boko urakng inyo bolupm pocayo ko Yesus.

Titus 2:11

Allah udah monunju'an koboi'an-Nyo inyo monyolamant'an somuo urakng. Biar pan kito kinyo cucu', Sio udah moonji'i jalatn oca' somuo urakng ulih disolamant'an.

1 Timotius 5:5

Siku' botina' balu inyo bondar-bondar gola' ditulukng doi' jomaat ia'an botina' balu inyo hidup sonsiku'an, co nyiant koluarga pakai' monulukng io. Io boharap ko Allah. Io bodoa siakng-malapm mominto potulukan doi' Allah.

1 Korintus 15:3

Aku udah monorima' Kabar Boi' ongko aku monyampaian nantai ko kaitn. Inyo kotakan pontikng doi' Kabar nantai ia'an boko kojadian ni'in: Kristus udah mati obai boko dosa kito. Hal nantai sama'an inyo ditulis dalapm Buku Suci.

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

1 Tesalonika 3:12

Koi pan bodoa oca' Tuhatn bulah kaitn hala mongasihi huatan kasih nantai mongkitn botambah-tambah sampai bokolobihan. Koi pan bodoa oca' Tuhatn bulah kaitn mongkitn mongasihi somuo urakng samo sama'an koi mongkitn mongasihi kaitn.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

Efesus 3:13

Obai nantai, aku momuhun oca' kaitn jangan putus asa biar pan aku ditamoan ko dalapm ponjara. Aku mondorita' sama'an nantai obai aku molayati kaitn. Apo somuo pondorita'an ku nantai pakai' koboi'an kaitn.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.