1 Timotius 1:5 - Porjanjian Boharu Torjomahan Baso Dilakng Soari-ari

⁵ Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

1 Timotius 1:5 ပူးပေါင်းရင်းမြစ်များ

1 Timotius 1:19

Ado boko urakng inyo monula' saro hati sia' ongko ajaran inyo bondar. Baba'annyo, sia' kinyo bondar-bondar pocayo agi' agatn Yesus.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

2 Timotius 2:22

Timotius, padohan sonjumpat'an kolaku'an urakng muda' inyo jahat. Apo bousahacam oca' kolai bulah inyo bondar di hadapan Allah. Totap sotia ko Allah huatan kasihicam urakng bukai. Bousahacam oca' hidup damai agatn urakng bukai. Labuhancam somuo nantai bosamo agatn boko urakng inyo monyombah Tuhatn agatn hati inyo somombondarannyo.

2 Timotius 1:5

Aku pan togonangan obai kolai somombondarannyo pocayo ko Yesus samo sama'an nini' Lois doi' sobolah indai kolai ongko indai kolai Eunike. Sia' duo pocayo sobolupm kolai. Aku pan yakitn obai kolai somombondarannyo jam pocayo.

2 Timotius 1:3

Aku bosukur ko Allah inyo aku layati agatn hati nuraniku inyo suci, samo agatn inyo udah dilabuhan angki-bayatnku. Aku hala bodoa pakai' kolai siakng-malapm.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

2 Petrus 1:7

Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

Roma 10:4

Kristus ia'an ponggonapan doi' Hukupm Torat. Jadi, somuo monsio inyo pocayo ko Sio monjadi bondar di pohadapan Allah.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

1 Timotius 3:9

Boko diakon gola' hidup monuruti hati nurani inyo suci pakai' hala pocayo ko ajaran inyo bondar mongona'i Yesus inyo udah dinyatoan Allah ko kito.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

Yakobus 4:8

Jalitncam hubukan inyo boi' agatn Allah, lalu Sio paca'an boi' agatn kaitn. Oi boko urakng inyo bodosa! Jangan bulah dosa agi'. Oi boko urakng inyo bocabakng hati! Borosihicam hati kaitn!

Kisah Boko Rasul 23:1

Paulus moncorona'i lansukng ko boko pomimpitn Yahudi nantai. Katonyo, “Boko somadikan, sampai ari ni'in aku totap hidup agatn hati nurani inyo borosih di hadapan Allah.”

1 Yohanes 3:3

Somuo urakng inyo yakitn moharapan obai Sio paca'an mombulah nantai tojadi, sia' monjago diri oca' co bulah dosa samo sama'an Sio co bulah dosa.

Ibrani 10:22

Obai nantai, mara kito datakng dampikng ko Allah agatn hati inyo boi' ongko bondar-bondar kuat pocayo. Obai, hati kito udah diborosihi doi' pikiran jahat, ongko bukakng-tubuh kito udah diborosihi agatn ara'i inyo murni.

1 Korintus 13:1

Sokironyo aku ulih bopandir dalapm bomacapm baso monsio damo boko baso molekat, apo aman aku co mongasihi urakng bukai, boroti komampuanku nantai kinyo boguno. Aku samo sama'an totawak inyo sombarakan ditombuh damo lonceng inyo bayo bulah tingal kolindakan mo.

Roma 14:15

Aman kolai bopua' sosuatu inyo somadikan kolai bopikir campah, jadi kolai monyakiti hati io. Rotinyo, kolai co hidup agatn caro inyo mongasihi urakng bukai. Kristus udah mati pakai' monyolamant'an somadikan kolai nantaiam. Jadi, jangannam kolai mombulah io bonaso obai mosalah lapo inyo kolai pua'i.

Roma 9:1

Obai aku bosatu agatn Kristus, jadi pomandiran ku ni'in pasti bondar. Aku yakitn aku co bulah kotumbukan. Roh Allah mombulah hatiku yakitn mongona'i nantai jam.

Kisah Boko Rasul 24:16

Obai nantai, aku hala bousaha oca' hati nuraniku borosih di hadapan Allah huatan monsio.

Matius 12:35

Urakng inyo boi' momandiran boko hal inyo boi' obai hatinyo boi'. Sobali'nyo, urakng inyo jahat momandiran boko hal inyo jahat obai hatinyo jahat.

Matius 5:8

Diborokaticam urakng inyo suci hatinyo, obai sia' paca'an moniant Allah nononyo.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

Ibrani 13:18

Hala bodoa cam pakai' koi. Koi hala honda' hidup bondar. Jadi, koi yakitn obai hati koi borosih dihadapan Allah.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Roma 12:9

Kaitn somuo gola' bobondar mongasihi urakng bukai. Jangan bayo pompadah. Kaitn gola' bonci' agatn inyo jahat ongko molabuhan inyo boi'.

1 Timotius 1:18

Timotius, kolai sama'an ana'ku siku'. Ingant watu komai ado inyo momadahan posatn doi' Allah mongona'i diri kolai. Ni'in aku monugasan kolai: Gunoan cam posatn nantai pakai' molawatn kojahatan huatan usahaancam inyo boi' agatn hala pocayo agatn hati nurani inyo suci.

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.