1 Timotius 1:20 - Porjanjian Boharu Torjomahan Baso Dilakng Soari-ari

²⁰ Himeneus ongko Aleksander ado di antaro boko urakng sama'an nantai. Aku udah monyorahan sia' ko Rajo Sitatn agatn caro monundukng sia' doi' posokutuan urakng pocayo. Agatn sama'an nantai, sia' ulih bolajar botongga' mohayam Allah.

1 Timotius 1:20 ပူးပေါင်းရင်းမြစ်များ

Matius 18:17

Aman io kinyo honda' mondinga'an nosihat kaitn, sampaiancam pokaro nantai ko jomaat. Aman io kinyo honda' jam mondinga'an nosihat sia', ongko anggapcam io nantai urakng inyo kinyo mongonal Allah huatan ponagih pajak.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Kisah Boko Rasul 19:33

Boko urakng agama Yahudi monyurukan siku' urakng ko muka'. Damonyo Aleksander. Jadi, ado boko urakng bopikir io inyo bosalah. Aleksander moonji'i kode agatn jarinyo oca' urakng banya' langunt. Io honda' monjolasan obai mosalah ni'in kinyo disobaban ulih urakng Yahudi.

1 Korintus 11:32

Apo aman Tuhatn mohukupm kito inyo pocayo ko Sio, boroti Sio mondidik kito oca' kito nononyo kinyo paca'an dihukupm bosamo agatn urakng bukai di dunia ni'in inyo co pocayo.

2 Korintus 10:6

Lopas jadi koi taat agatn soponuhnyo, koi siap pakai' mohukupm somuo urakng bukai inyo kinyo taat.

2 Korintus 13:10

Nianam sobabnyo aku monulis surat ni'in timpu ku bolupm ado bosamo agatn kaitn. Oca' watu aku bosamo kaitn nononyo, aku co gola' botindak koras momakai kuaso inyo Tuhatn onju' ko aku. Sio moonju' kuaso nantai pakai' monulukng kaitn lobih kuat, bukainyo pakai' mohancuran kopocaya'an kaitn.

2 Tesalonika 3:15

Apo jangan jam moanggap io sobagai musuh apo totap olikan ja'am io sobagai somadikan.

1 Timotius 5:15

Porotian cam boko nosihat nantai, obai ado boboropo urakng botina' balu inyo ija' muda' udah tongga' am hidup monyonangan hati Allah lalu monyonangan Rajo Sitatn.

2 Timotius 2:14

Kolai gola' torus moingant'an jomaat mongona'i boko hal nantai. Nosihat'icam sia' agatn togas, Allah moniant porbuatan kito. Jadi, padohan botikakng mongona'i boko sotilah. Co nyiant gunonyo. Malah, pomandiran sama'an nantai monyosat'an boko urakng inyo mondinga'an nantai.

2 Timotius 2:17

Ajaran sia' inyo salah nantai monyebar samo sama'an ponyakit kulit inyo bogola'i. Duo urakng inyo mongajar ajaran inyo salah sama'an nantai ia'an Himeneus huatan Filetus.

2 Timotius 3:2

Boko urakng paca'an mondoholuan kohonda' diri sia' siku'. Sia' paca'an kaha'-kolobu' agatn duit. Sia' paca'an buhau, hala moninggian diri, hala mohayam urakng bukai, hala co monaati urakng tuho sia'. Sia' co tohu botorima' kasih, co honda' hidup mohormati Allah.

Ibrani 12:5

Jangan kolupatn nosihat ni'in doi' Buku Suci inyo disampaian ko kaitn sobagai poana'an: “Ana'ku! Aman Tuhatn mondidik kolai, jangan disopelean nantai. Aman Sio monogur kolai, jangan putus asa.

Wahyu 13:1

Lopas nian, aku moniant siku' bonatakng koluar doi' dalapm lout. Io botandu' sopuluh huatan bokopala' tujuh. Di sotiap tandu'nyo ado mahkota kocit. Di sotiap kopala'nyo totulis boko damo inyo mohanyam Allah.

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.