1 Timotius 1:18 - Porjanjian Boharu Torjomahan Baso Dilakng Soari-ari

¹⁸ Timotius, kolai sama'an ana'ku siku'. Ingant watu komai ado inyo momadahan posatn doi' Allah mongona'i diri kolai. Ni'in aku monugasan kolai: Gunoan cam posatn nantai pakai' molawatn kojahatan huatan usahaancam inyo boi' agatn hala pocayo agatn hati nurani inyo suci.

1 Timotius 1:18 ပူးပေါင်းရင်းမြစ်များ

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

1 Korintus 4:17

Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.

1 Korintus 9:7

Porotian boko contoh ni'in: Co nyiant siku' urakng projurit inyo gola' mombayar gajihnyo siku'. Urakng inyo bokobutn anggur, bohak bopua' buah hasil kobutn nantai. Urakng inyo mongombolo domba bohak minum susu doi' boko dombanyo.

Filipi 2:22

Kaitn siku' udah tohu obai Timotius kotakan boguno. Io udah bogota' humpas-pulas bosamo agatn aku pakai' momboritoan Kabar Boi'. Io monulukngku samo sama'an ana' monulukng bopainyo.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

1 Timotius 4:4

Somuo inyo dipulah Allah nantai boi', tomansu' somuo pomakatn. Co nyiant pomakatn inyo pomali asal ditorima' agatn oso sukur ko Allah.

1 Timotius 6:20

Timotius, jagocam somuo inyo Allah onju' ko kolai. Jangan mondinga'an boko urakng inyo bopandir mongona'i boko hal inyo kinyo boonsu'an, boko hal inyo kinyo mohormati Allah. Jangan mondinga'an boko urakng inyo mongatoan obai sia' ado ‘pongotohuan’. Apo, sobondarnyo sia' molawatn ajaran inyo bondar.

2 Timotius 4:7

Aku udah bouyuh-jorih agatn boi', aku udah moahiri potandikan huatan aku totap sotia sampai ahir.

Filemon 1:10

Porminta'anku ni'in ia'an mongona'i Onesimus. Watu ku di dalapm ponjara ni'in, io monjadi samo sama'an ana'ku siku' obai aku monulukng io monjadi pocayo ko Yesus.