1 Timotius 1:13 - Porjanjian Boharu Torjomahan Baso Dilakng Soari-ari

¹³ Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

1 Timotius 1:13 ပူးပေါင်းရင်းမြစ်များ

Lukas 12:47

Hulutn inyo udah mongotohu'i kohonda' habakngnyo, apo kinyo molabuhannyo, co siap pakai' mohimpa'inyo, io tajahan dihukupm kotakng borat.

Lukas 23:34

Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

Kisah Boko Rasul 22:4

Komainyo, aku mondorako'i boko urakng inyo jumpat boko ajaran Tuhatn. Aku mondorako'i sia' sampai bomatian, aku jam inyo monangkap ongko monyorahan sia' pakai' di ponjara, boi' lolaki boi' pan botina'.

Kisah Boko Rasul 3:17

Boko somadikan! Kaitn huatan boko pomimpitn kaitn molabuhan kojahatan nantai ko Yesus. Apo aku sadar kaitn co tohu sopo Sio sobondarnyo.

Kisah Boko Rasul 9:1

Somontaro boko rasul momboritoan Kabar Boi', Saulus kotakan godi bondar. Io moancapm boko murid Tuhatn Yesus. Katonyo io paca'an mombunuh sia'. Jadi, io botula' ko Imam Agukng.

Kisah Boko Rasul 9:13

Apo Ananias bopandir, “Tuhatn, aku udah mondinga' banya' kisah mongona'i Saulus nantai. Di Yerusalem, io banya' mondorako'i urakng inyo pocayo ko Duatn.

Kisah Boko Rasul 9:5

Saulus botakutn, “Sopo Duatn, Tuhatn?” Saro nantai monimbas, “Aku ni'innam Yesus, inyo kolai dorako'i!

1 Korintus 15:9

Obai, di antaro somuo rasul, aku inyo palikng nyiant pasalnyo. Aku kinyo cucu' disobut rasul, obai komainyo aku mondorako'i boko urakng inyo pocayo ko Yesus.

1 Korintus 7:25

Ni'inan, mongona'i boko urakng inyo bolupm kawitn. Aku co nyiant porintah doi' Tuhatn mongona'i nantai. Apo obai Sio monunju'an koboi'an-Nyo ko aku, ongko aku jadi urakng inyo ulih dipocayo moonji'i nosihat.

Galatia 1:13

Apo, sobolupm aku pocayo ko Yesus, aku hidup sosuai agatn agama Yahudi. Kaitn udah mongotohu'i caro hidupku sokomai dalapm agama Yahudi nantai. Aku kotakan mondorako'i boko urakng inyo pocayo ko Yesus. Aku bousaha pakai' mombonasoan sia'.

Filipi 3:6

Aman urakng bukai honda' momuji diri obai sia' boagama agatn giat, aku bondar-bondar giat ia'an pan komai aku mondorako'i boko urakng inyo pocayo ko Yesus. Aman urakng bukai honda' momuji diri obai sia' hidup agatn caro inyo bondar-bondar monaati Hukupm Torat, aku cuku cacat dalapm monaati Hukupm Torat.

1 Timotius 1:16

Apo malah nantaiam inyo monjadi alasan Yesus monunju'an kasih-Nyo ko aku, oca' Sio ulih monunju'an kosabaran-Nyo. Agatn ubo nian hal ni'in paca'an tojadi jam ko boko urakng bukai inyo nononyo pocayo ko Sio, huatan mondapat'an hidup somanah-manahnyo di sorugo.

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

1 Petrus 2:10

Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.