1 Timotius 1:10 - Porjanjian Boharu Torjomahan Baso Dilakng Soari-ari

¹⁰ Allah pan moonji'i Hukupm Torat pakai' mongomboi'i caro hidup boko urakng inyo tukakng bomporajoan, boko urakng bokohonda'an agatn sosamo lolaki, boko urakng inyo monjual hulutnnyo, boko urakng inyo monyampaian kosasian tumbukannyo dalapm sidakng di pongadilan, boko urakng bulah kotumbukan, huatan somuo urakng inyo bulah boko hal botontakan agatn ajaran inyo bondar.

1 Timotius 1:10 ပူးပေါင်းရင်းမြစ်များ

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Roma 1:26

Obai nantai, Allah mombiaran sia' dikuaso'i ulih boko kohonda' bukakng sia' inyo momaluan. Sia' inyo botina' kinyo bosotubuh agatn lolaki sama'an inyo wajar, apo sia' bosotubuh agatn botina' bukai.

1 Timotius 4:6

Ajarancam boko hal nantai ko somuo urakng inyo pocayo. Aman ubo nian, kolai paca'an molayati Kristus Yesus agatn kotakng boi', kolai pan paca'an lobih kuat pocayo ko boko ajaran mongona'i kopocaya'an kito huatan dalapm ajaran inyo udah kolai jumpati somanah ni'in.

1 Timotius 6:3

Sopo pan urakng inyo mongajar ajaran inyo kinyo bondar, ajaran sia' songkayo doi' ajaran Yesus Kristus, Tuhatn inyo bokuaso. Ajaran sia' nantai kinyo monulukng urakng pakai' hidup sosuai agatn kohonda' Allah.

2 Timotius 1:13

Ajaran doi' aku ko kolai ia'an contoh ajaran inyo bondar. Jumpati cam ajaran nantai agatn totap hala pocayo ko Yesus huatan mongasihi urakng bukai di dalapm Kristus Yesus.

2 Timotius 4:3

Obai paca'an datakng watunyo, boko urakng kinyo honda' monorima' ajaran inyo bondar. Sia' bayo monuruti kohonda' sia' siku' mo. Jadi, sia' paca'an mongumpulan boko guru inyo moajaran boko hal inyo nyamanam sia' dinga'.

Titus 1:13

Pomandiran nabi nantai memang bondar! Jadi, boko urakng Kreta inyo udah dikotumbuki gola' diolikan. Olikanbo sia' agatn togas oca' kopocaya'an sia' sosuai agatn ajaran inyo bondar.

Titus 1:9

Io pan gola' bobondar pocayo Kabar Boi' inyo kito ajaran ko io, ia'an ajaran inyo bondar huatan ulih dipocayo. Io gola' bobondar pocayo tohadap ajaran nantai oca' io mampu momadahi ongko moonji'i somangant ko urakng bukai pakai' monaati ajaran inyo bondar nantai. Io gola' bobondar pocayo oca' io pan ulih monunju'an ko urakng inyo molawatn ajaran nantai, obai sia' salah.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

Wahyu 18:13

somuo macapm rorompahan, kayu manis, wangi-wangian, mur, huatan komonyan; anggur, minya', topukng dona' huatan gandupm; sapi, domba, kuda ongko koreta; pacal huatan nyao monsio.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 22:15

Apo somuo urakng bukai paca'an tinggal di luar. Ia'an somuo urakng inyo jahat samo sama'an kudu', boko tukakng sihir, boko urakng inyo bodosa bomporajoan, boko urakng inyo mombunuh, boko urakng inyo monyombah lompatukng, boko urakng inyo gala' bulah kotumbukan huatan molabuhannyo.