1 Tesalonika 5:3 - Porjanjian Boharu Torjomahan Baso Dilakng Soari-ari

³ Paca'an ado boko urakng inyo mongatoan, “Somuonyo boi'-boi' mo.” Apo malahan watu nantai socaro sopongirap sia' paca'an dibonasoan samo sama'an siku' urakng botina' buntikan inyo socaro sopongirap moalapi mohidap-porut honda' boana'an. Botina' nantai co dapat moloukan doi' oso podih porut nantai. Ubo nian jam, sia' inyo co pocayo kinyo paca'an ulih moloukandoi' hukupan nantai.

1 Tesalonika 5:3 ပူးပေါင်းရင်းမြစ်များ

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.

2 Tesalonika 1:9

Yesus paca'an mohukupm bonaso sia'. Ongko, sia' mooso'i hukupan nantai somanah-manahnyo. Sia' paca'an dibuakan ko tompat jouh doi' hadapan Tuhatn. Huatan sia' co kalo paca'an mooso'i komulia'an Yesus inyo bokuaso nantai.

2 Petrus 2:4

Ingantcam! Pas watu ado boko molekat inyo mombulah dosa, Allah kinyo mombebasan sia' doi' hukupan. Sio monikapan sia' ko dalapm noraka. Sia' dirantai di santai dalapm potakng sampai ari Ponghakipan nononyo.

Kisah Boko Rasul 13:41

‘Pontiatan boboi', kaitn inyo mohayam pomandiran-Ku! Kaitn paca'an mooso hiratn obai joman ni'in Aku paca'an molabuhan sosuatu inyo bulah kaitn kotakan ajab sonsaro. Biar pan ado urakng inyo momadahan ko kaitn mongona'i hukupan nantai, kaitn ija' bopikir hukupan nantai kinyo paca'an tojadi. Apo hukupan nantai paca'an tojadi. Kaitn paca'an bonaso.’ Jadi, boko somadikan, poniant'an boboi' oca' hukupan nantai kinyo tojadi ko kaitn jam.”

Ibrani 12:23

Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

Matius 23:33

Uai kaitn inyo jahat, kaitn koturutan urakng jahat samo sama'an todukng! Jangan bopikir kaitn ulih morarian diri doi' hukupan di noraka!

Yohanes 16:21

Hal nantai samo sama'an siku' botina' tongahan mohidap-porut. Timpu io honda' boana', io jorih uyuh obai mondorita'. Apo lopas io jadi boana', io co ingant agi' pondorita'annyo nantai. Obai, io sonang udah boana'am.