1 Tesalonika 5:24 - Porjanjian Boharu Torjomahan Baso Dilakng Soari-ari

²⁴ Allah udah moningkau kaitn. Allah pan hala sotia momonuhi janji-Nyo. Obai nantai, pasti Sio paca'an moonji'i komampuan ko kaitn pakai' monjadi suci.

1 Tesalonika 5:24 ပူးပေါင်းရင်းမြစ်များ

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

Yohanes 3:33

Apo, somuo urakng inyo pocayo agatn pomandiran-Nyo, sia' moaku'i obai Allah bondar.

2 Petrus 1:3

Ninam caronyo Sio moningkau kito: Sio monunju'annyo ko kito obai Sio bokuaso huatan luar biaso boi' oca' kito dapat mongonal Sio. Obai nantai, Sio udah momakai kuaso-Nyo sobagai Allah pakai' dionju' ko kito boko sosuatu inyo dipontikan pakai' hidup inyo monyonangan Sio.

Wahyu 17:14

Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

1 Tesalonika 2:12

Koi hala momadahi ongko hala monguat'an hati kaitn huatan mominto oca' kaitn hidup monyonangan hati Allah. Obai Sio moningkau kaitn pakai' monjadi warga Korajaan-Nyo huatan bodapat komulia'an-Nyo.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

Matius 24:35

Pocayocam agatn pomandiran-Ku, obai biar pan langit huatan bumi paca'an boahir, pomandiran-Ku totap kinyo tohu boahir.

Galatia 1:15

Apo, Allah ado hajat husus pakai' aku. Sio momilih aku watu aku ija' dalapm porut indaiku. Sio momilih aku pakai' monjadi rasul Yesus, Ana'-Nyo. Sio molabuhan nantai bukai obai aku bujur bondar, apo obai Sio kotakng boi' ko aku. Jadi, Allah sonang

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Roma 9:24

ia'an kito inyo udah ditingkau Allah pakai' monjadi umat-Nyo, bukainyo bayo urakng doi' banso Yahudi, apo urakng doi' boko banso inyo bukai jam.