1 Tesalonika 5:22 - Porjanjian Boharu Torjomahan Baso Dilakng Soari-ari

²² Jangan molabuhan somuo macapm kojahatan.

1 Tesalonika 5:22 ပူးပေါင်းရင်းမြစ်များ

2 Korintus 6:3

Koi kinyo honda' polayatan koi disalahan. Obai nian, koi bousaha kinyo moonji'i alasan ko sosopo pan pakai' molabuhan hal nantai.

Filipi 4:8

Ahirnyo, boko somadikan ku, kaitn gola' hala momikiran mongona'i boko hal inyo bondar, inyo patut dirogo'i, inyo adil, inyo borosih doi' kojahatan, inyo manis, inyo loma' didinga'. Pokoknyo, pikiran cam mongona'i la'apo pan inyo boi' ongko patut dipuji.

Roma 12:17

Aman ado boko urakng inyo bulah kojahatan agatn kaitn, jangannam kaitn mombalas agatn kojahatan ko sia'. Apo, bulah koboi'an cam agatn somuo urakng.

Yudas 1:23

Tulukng cam boko urakng nantai oca' sia' ulih disolamant'an doi' api. Apo kaitn gola' monunju'an koboi'an ko sia', apo agatn oso gola' jam. Jangan sampai kaitn jumpat bulah dosa. Bonci' cam pakai'an sia' inyo dikotori boko kohonda' dosa.

1 Korintus 8:13

Obai nantai, aman la'apo inyo aku pua'i bulah salah siku' doi' sia' bodosa, aku co paca'an bopua' dagikng agi' soumur hidupku. Bolai'ku bulah urakng bukai inyo pocayo bodosa.

1 Tesalonika 4:12

Jadi, kaitn kinyo paca'an hidup bogantukng ko urakng bukai. Aman kaitn hidup agatn caro sama'an nantai, boko urakng inyo bolupm pocayo ko Yesus paca'an mohormati kaitn.

1 Tesalonika 5:21

Apo ditoliti somuo hal apobai bondar-bondar doi' Allah kata'an cado. Kaitn gola' pocayo agatn boko hal inyo boi'.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.