1 Tesalonika 5:20 - Porjanjian Boharu Torjomahan Baso Dilakng Soari-ari

²⁰ Jangan moanggap gampakng boko posatn doi' Allah.

1 Tesalonika 5:20 ပူးပေါင်းရင်းမြစ်များ

1 Korintus 14:1

Bousahacam agatn somombondarannyo pakai' salikng mongasihi. Somombondarannyo jam honda' mondapat'an boko komampuan husus doi' Roh Allah, hususnyo komampuan pakai' monyampaian boko posatn-pontal doi' Allah.

1 Korintus 11:4

Jadi, watu siku' urakng lolaki bodoa damo monyampaian posatn-pontal doi' Allah, jangan io momakai tokulu'. Aman io molabuhan nantai, boroti io mohayam kopala'nyo siku'.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

Kisah Boko Rasul 19:6

Ongko, Paulus molota'an jarinyo ko pucu' sia'. Roh Allah turutn ko pucu' sia'. Sia' mula'i bopandir dalapm bomacapm baso inyo dionji'i Roh Allah. Momadahan boko posatn-pontal doi' Allah.

1 Korintus 13:9

Obai watu ni'in, komampuan husus pakai' mongotohu'i boko hal doi' Roh Allah kurakng longkap. Komampuan husus pakai' monyampaian posatn doi' Allah pan kurakng longkap.

1 Korintus 13:2

Soandainyo aku dionji'i komampuan husus pakai' monyampaian posatn-pontal doi' Allah, soandainyo aku mongoroti somuo hajat Allah inyo bolupm dipadahan ko urakng bukai, soandainyo aku mongotohu'i somuo hal, soandainyo aku pocayo agatn kotakng kuat singgatn aku ulih momindahan bukit ko tompat bukai, apo aman aku kinyo mongasihi urakng bukai, aku kinyo boguno.

1 Korintus 12:10

Ko urakng bukainyo agi', Roh Allah moonji'i komampuan pakai' bulah mujisat. Ko urakng bukainyo agi', Roh Allah moonji'i komampuan pakai' monyampaian boko posatn-pontal doi' Allah. Ko urakng bukainyo agi', Roh Allah moonji'i komampuan pakai' monyongkayoan bomacapm-macapm roh. Ko urakng bukainyo agi', Roh Allah moonji'i komampuan pakai' bopandir dalapm baso roh. Ko urakng bukainyo agi', Roh Allah moonji'i komampuan pakai' monjolasan roti doi' pomandiran dalapm boko baso roh nantai.

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.