1 Tesalonika 4:9 - Porjanjian Boharu Torjomahan Baso Dilakng Soari-ari

⁹ Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

1 Tesalonika 4:9 ပူးပေါင်းရင်းမြစ်များ

1 Yohanes 3:11

Ninam borito inyo udah kaitn dinga' tangga'i mulonyo, ia'an nantai obai kito gola' hala mongasihi.

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.

Ibrani 13:1

Kaitn gola' totap hala mongasihi sobagai boko urakng inyo bosomadikan dalapm Tuhatn.

1 Tesalonika 5:1

Boko somadikan, koi kinyo pontikng monulis mongona'i watu Yesus paca'an bobali' obai kaitn udah mongotohu'i mongona'i nantai. Tuhatn paca'an datakng pasari kinyo disangko-sangko soumpamo pongolit inyo datakng watu ari malapm.

Kisah Boko Rasul 4:32

Agatn kuaso inyo luar biaso, boko rasul hala momboritoan mongona'i Tuhatn Yesus udah hidup agi' doi' komatian. Allah kotakan monunju'an kasih-Nyo ko somuo urakng inyo pocayo nantai. Sia' hala sohati sopikiran. Co nyiant doi' sia' inyo moanggap kodampuannyo nantai umputn io siku'. Somuo inyo umputn sia' digunoan pakai' kopontikan bosamo.

1 Yohanes 2:10

Urakng inyo mongasihi somadikannyo, io nianam urakng inyo bondar-bondar hidup di dalapm torakng. Conyiant ado lapopan di dalapm hidup io inyo bulah urakng bukai sosat.

2 Petrus 1:7

Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

Ibrani 10:16

“Lopas watu nantai, sama'an ni'in pojanjian inyo tajahan Ku pulah agatn umant Israel: Aku tajahan moangga'an boko porintah-Ku dalapm pikiran sia' Aku tajahan monulisnyo dalapm hati sia'.”

Yohanes 14:26

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

Matius 22:39

Samo sama'an porintah nantai, ado porintah koduo inyo samo pontikngnyo, ia'an, ‘Kasihicam sosamo kaitn sama'an kaitn mongasihi diri kaitn siku'.’

2 Korintus 9:1

Sobondarnyo, aku co pontikng monulis ko kaitn mongona'i bantu'an inyo tongahan dikiripm ko boko urakng inyo pocayo di Yerusalem.

Filipi 3:15

Obai nantai, somuo kito inyo kuat pocayo ko Yesus gola' bopikir agatn caro nantai. Apo aman ado urakng di antaro kaitn inyo bopikir agatn caro inyo bukai, jadi Allah tajahan monjolasannyo ko kolai jam.