1 Tesalonika 4:4 - Porjanjian Boharu Torjomahan Baso Dilakng Soari-ari

⁴ Masikng-masikng kaitn gola' mongondalian kohonda' diri siku'. Kaitn gola' molabuhan nantai oca' hidup kaitn suci ongko kaitn dihormati urakng bukai.

1 Tesalonika 4:4 ပူးပေါင်းရင်းမြစ်များ

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Roma 1:24

Obai nantaiam, Allah mombiaran sia' dikuaso'i boko kohonda' hati sia' pakai' molabuhan inyo kotor. Jadi, sia' hala molabuhan boko hal inyo momaluan agatn bukakng sia'.

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

Roma 6:19

(Aku tohu kaitn ija' manah mongoroti boko hal rohani. Jadi, aku momakai contoh ni'in mongona'i hulutn oca' kaitn lobih mudah mongoroti.) Komai kaitn monyorahan diri kaitn monjadi hulutn dosa. Boko anggota bukakng kaitn digunoan pakai' bulah boko hal inyo kotor huatan jahat. Apo watu ni'in kaitn gola' monyorahan diri kaitn monjadi hulutn Allah oca' boko anggota bukakng-tubuh kaitn ulih digunoan pakai' bulah boko hal inyo bondar huatan borosih doi' dosa.

1 Korintus 6:15

Co tohu bai kaitn aman bukakng-tubuh kito siku'-monyiku' samo sama'an anggota bukakng-tubuh Kristus. Obai kito anggota bukakng-tubuh Kristus, jadi kito culih monyorahan bukakng-tubuh kito ko lahukng!

1 Korintus 7:2

apo banya' urakng inyo culih monahan kohonda' pakai' bulah dosa bomporajoan. Obai nantai, lobih boi' aman sotiap lolaki bisi siku' bini huatan sotiap botina' bisi siku' urakng laki.

1 Korintus 7:9

Apo, aman kaitn co ulih monahan kohonda' diri kaitn, lobih boi' kaitn kawitn. Obai, lobih boi' urakng kawitn daripado hala bokohonda'an apo co kalo mooso'i ponyaman.

2 Korintus 4:7

Kabar Boi' mongona'i Kristus inyo kotakan borogo nantai koi baba' dalapm diri koi inyo kinyo borogo, inyo dipulah doi' tanah. Agatn ubo nantai oca' nyata obai kuaso inyo luar biaso nantai boasal doi' Allah, bukainyo doi' diri koi siku'.

Filipi 4:8

Ahirnyo, boko somadikan ku, kaitn gola' hala momikiran mongona'i boko hal inyo bondar, inyo patut dirogo'i, inyo adil, inyo borosih doi' kojahatan, inyo manis, inyo loma' didinga'. Pokoknyo, pikiran cam mongona'i la'apo pan inyo boi' ongko patut dipuji.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

1 Petrus 3:7

Ubo nian jam, kaitn boko laki: Caro hidup kaitn gola' pongorotian bosamo agatn bini. Obai, kaitn tohu bini lobih lomah doi' laki. Kaitn gola' mohormati bini obai Allah monunju'an koboi'an-Nyo ko sia' jam, ia'an sia' pan ulih mondapat hidup kokaldi sorugo. Kaitn gola' molabuhan nantai oca' conyiant ado la'apo pan inyo mohalaki doa kaitn.