1 Tesalonika 4:3 - Porjanjian Boharu Torjomahan Baso Dilakng Soari-ari

³ Ninam kohonda' Allah oca' hidup kito mongkitn suci. Rotinyo, co ulih molaki-mbini bolupm dipojadi.

1 Tesalonika 4:3 ပူးပေါင်းရင်းမြစ်များ

Matius 12:50

Somuo urakng inyo molabuhan kohonda' Allah Bopai-Ku di sorugo ia'an indaiku huatan boko somadikan-Ku.”

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Matius 5:32

Apo Aku moonju' porintah ni'in ko kaitn: Siku' urakng lolaki inyo monyaya' bininyo aman bukai obai bininyo bomporajoan io mombulah bininyo bomporajoan huatan urakng inyo kawitn agatn botina' inyo disaya' nantai bomporajoan jam.”

Matius 7:21

Kinyo somuo urakng inyo moningkau Aku, ‘Tuhatn, Tuhatn,’ paca'an mansu' ko dalapm Koraja'an Sorugo. Apo bayo boko urakng inyo molabuhan kohonda' Bopai-Ku di sorugo inyo mansu' ko dalapm Koraja'an Sorugo.

Markus 3:35

Somuo urakng inyo molabuhan lapo inyo dikohonda'i Allah, sia' nanam somadikan lolaki-Ku, somadikan botina'-Ku ongko indaiku.”

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

Kisah Boko Rasul 20:32

Ni'inan, aku monyorahan kaitn ko Allah. Mudahan Allah molinduki kaitn. Totap ja' pocayo ko Kabar Boi' mongona'i koboi'an Allah. Mudahan Allah huatan Kabar Boi' nantai hala bulah hati kaitn pocayo ko Yesus mongkitn kuat. Obai Allah bokuaso moonji'i tuah inyo udah disodiaan husus bayo pakai' umant kokidah-Nyo.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Roma 1:29

Sia' kinyo hidup bondar di hadapan Allah. Hati sia' jahat huatan tama'. Sia' mombonci' huatan mooso tungi agatn urakng bukai. Sia' hala honda' botikakng ongko mombunuh urakng bukai. Sia' monipu huatan mondondapm.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Roma 6:22

Apo watu ni'in, kaitn udah bebas doi' kuaso dosa. Kaitn monjadi hulutn Allah. Kaitn ulih hidup borosih doi' dosa. Caro hidup nantai ado hasil, ia'an kaitn mondapat'an hidup inyo kokal.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

1 Korintus 7:2

apo banya' urakng inyo culih monahan kohonda' pakai' bulah dosa bomporajoan. Obai nantai, lobih boi' aman sotiap lolaki bisi siku' bini huatan sotiap botina' bisi siku' urakng laki.

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

Galatia 5:19

Udah kotakng jolas boko porbuatan urakng inyo hidup sosuai agatn kohonda' diri inyo jahat. Sobagai contoh: Molaki-mbini di luar pokawitan, molabuhan inyo pomali, moikuti kohonda' diri siku',

Efesus 5:17

Jangan budu, apo bousaha cam oca' kaitn mongoroti la'apo inyo dikohonda'i Tuhatn.

Efesus 6:6

Kaitn gola' monurut agatn sia' bukainyo obai kaitn honda' di tiat huatan dipuji sia', apo obai kaitn ia'an boko urakng inyo molayati Kristus ongko hati kaitn honda' molabuhan la'apo inyo di kohonda'i Allah.

Kolose 1:9

Obai nantai, doi' koi mondinga' mongona'i kaitn, koi hala bodoa pakai' kaitn. Koi mominto oca' Allah bulah kaitn pintar-corodi' huatan mampu mongoroti boko hal inyo rohani. Agatn caro nantai, kaitn ulih mongotohu'i kohonda'-Nyo.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

1 Tesalonika 4:4

Masikng-masikng kaitn gola' mongondalian kohonda' diri siku'. Kaitn gola' molabuhan nantai oca' hidup kaitn suci ongko kaitn dihormati urakng bukai.

1 Tesalonika 5:18

Bosukurcam ko Allah dalapm somuo hal. Obai nantaiam kohonda' Allah pakai' kaitn di dalapm Kristus Yesus.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

2 Tesalonika 2:13

Apo, boko somadikan, Tuhatn mongasihi kaitn. Koi bosukur ko Allah obai kaitn. Cucu' koi bosukur obai Allah momilih kaitn. Doi' mulonyo, Allah momilih kaitn oca' kaitn disolamant'an. Koi momboritoan Kabar Boi' inyo bondar ko kaitn. Ongko kaitn pocayo borito nantai. Roh Allah jam hala bulah kaitn mongkitn suci. Nianam caro kaitn ditingkau ongko disolamant'an oca' kaitn bodapat bagian doi' kohormatan Yesus Kristus, Tuhatn kito.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 10:36

Kaitn gola' sabar botahatn oca' kaitn ulih molabuhan kohonda' Allah. Agatn sama'an nantai, kaitn tajahan monorima' borokat inyo Sio janjian.

Ibrani 12:16

Bojojago jam oca' jangan ado urakng di antaro kaitn inyo bodosa bomporajoan. Jangan ado inyo kinyo morogo'i borokat rohani doi' Allah sama'an inyo dilabuhan Esau ija' joman komai. Obai io ana' kojula'an io bohak mondapat borokat husus doi' bopainyo. Apo io monjual hak nantai bayo pakai' sopirikng pomakatn mo.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

1 Petrus 1:2

Allah, Bopai kito, momilih kaitn sosuai agatn roncana-Nyo. Roh Allah mombulah kaitn monjadi borosih doi' dosa oca' kaitn monaati Yesus Kristus. Allah molabuhan nantai jam oca' kaitn ulih monorima' hasil doi' darah Yesus Kristus inyo dicurahan ko kaitn watu Sio mati di kayu salib. Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah.

1 Petrus 4:2

Kaitn molabuhan nantai oca' somanah kaitn ija' hidup di dunia ni'in, kaitn co monuruti kohonda' dunia, apo kaitn monuruti kohonda' Allah.

1 Yohanes 2:17

Dunia ni'in huatan somuo inyo dikohonda'i monsio paca'an bonaso. Apo, urakng inyo monuruti kohonda' Allah totap hidup somanah-manahnyo.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 22:15

Apo somuo urakng bukai paca'an tinggal di luar. Ia'an somuo urakng inyo jahat samo sama'an kudu', boko tukakng sihir, boko urakng inyo bodosa bomporajoan, boko urakng inyo mombunuh, boko urakng inyo monyombah lompatukng, boko urakng inyo gala' bulah kotumbukan huatan molabuhannyo.