1 Tesalonika 4:13 - Porjanjian Boharu Torjomahan Baso Dilakng Soari-ari

¹³ Boko somadikan, koi kotakng honda' oca' kaitn mongotohu'i mongona'i la'apo inyo paca'an tojadi ko boko urakng inyo pocayo lopas sia' mati. Koi co honda' kaitn bulikng samo sama'an boko urakng inyo kinyo pocayo ko Yesus. Sia' co nyiant pongharapan obai boko urakng inyo mati paca'an bobali' hidup.

1 Tesalonika 4:13 ပူးပေါင်းရင်းမြစ်များ

Matius 27:52

Boko lubakng pasaran tobuka' lalu banya' urakng doi' umant Allah hidup agi' doi' komatian.

Yohanes 11:24

Timbas Marta, “Aku tohu io paca'an hidup agi' watu ahir joman, watu boko urakng hidup agi'.”

Kisah Boko Rasul 13:36

Daud molabuhan kohonda' Allah pado watu io hidup mo. Io mati ongko dipasaran di tompat inyo samo agatn angki-bayatnnyo. Bangkai Daud memang monjadi buru' di pasaran nantai.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.

1 Korintus 10:1

Boko somadikan, aku honda' moingant'an kaitn mongona'i angki-bayatn kito urakng Israel. Joman komai, Musa momimpitn sia' koluar doi' hulutn-pacal di tanah Mesir. Allah moirikan somuo sia' agatn tihakng awatn. Ongko, Allah moirikan somuo sia' monyomboraki Lout Mirah.

1 Korintus 12:1

Ni'inan, boko somadikan, aku honda' monulis mongona'i boko komampuan husus inyo dionji'i Roh Allah. Aku honda' oca' kaitn bondar-bondar mongoroti mongona'i boko hal ni'in.

1 Korintus 15:6

Lopas nantai, Yesus moniant'an diri ko lima' ratus urakng pado watu inyo samo. (Banya' doi' sia' inyo ija' hidup sampai watu aku monulis surat ni'in. Apo ado jam inyo udah matiam.)

2 Korintus 1:8

Boko somadikan, kohonda' koi oca' kaitn mongotohu'i mongona'i pondorita'an inyo koi alapi di propinsi Asia Kocit. Pondorita'an nantai kotakng borat sampai koi co sanggup botahatn. Koi putus asa, osonyo honda' mati ja'am.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

1 Tesalonika 4:14

Apo kito pocayo obai Yesus mati huatan udah bobali' hidup. Obai nantai, kito yakitn obai boko urakng pocayo ko Yesus inyo udah mati paca'an hidup agi' jam. Obai nantai, kito yakitn obai molalu'i Yesus, Allah paca'an mongumpulan boko urakng pocayo inyo udah mati bosamo-samo agatn Yesus.

1 Tesalonika 4:15

Koi honda' monyampaian ko kaitn pomandiran ni'in doi' Tuhatn Yesus: boko urakng pocayo inyo ija' hidup watu Sio datakng paca'an botomu Yesus. Apo kito kinyo paca'an mondoholu'i sia' inyo udah mati.

1 Tesalonika 5:10

Sio udah mati pakai' monanggukng hukupan dosa kito. Pado watu Sio datakng agi', boi' kito ija' hidup damo pan udah mati, somuo kito inyo pocayo ko Sio paca'an hidup bosamo-samo agatn Sio.

1 Tesalonika 5:6

Jadi, kito gola' bojago-jago huatan bososiap timpu Tuhatn datakng. Padohan hidup sama'an sia' inyo kinyo pocayo ko Yesus. Watu malapm, sia' ‘ado inyo tidu'’, ado jam inyo komabu'an sampai co bojago-jago huatan bososiap aman ado pongolit datakng.

2 Petrus 3:4

Sia' tajahan bopandir, “Yesus udah bojanji Sio paca'an bobali' datakng agi'. Apo pomandiran-Nyo nantai kinyo bondar obai sampai watu ni'in Sio bolupm datakng. Tangga'i boko bopai kito mati, somuonyo totap samo aja'. Conyiant inyo borubah tangga'i dunia ni'in dipulah.”

2 Petrus 3:8

Apo, pakai' kaitn, boko somadikanku inyo ku kasihi, jangan sampai kaitn tongkolupatn sobuti' hal ni'in: Tuhatn co mohitukng watu samo sama'an monsio. Pakai' Tuhatn, soari samo sama'an soribu tohutn. Soribu tohutn samo sama'an soari.