1 Tesalonika 4:11 - Porjanjian Boharu Torjomahan Baso Dilakng Soari-ari

¹¹ Koi udah kalo momadahi kaitn mongona'i boko hal ni'in, apo ni'in koi moingant'an kaitn agi'. Bousahacam hidup damai agatn urakng bukai. Jangan sonjumpat'an urusan urakng bukai apo urus ja'am diri kaitn siku'. Rajitncam bokorojo pakai' momonuhi kopontikan kaitn masikng-masikng.

1 Tesalonika 4:11 ပူးပေါင်းရင်းမြစ်များ

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

1 Petrus 3:4

Apo, bousaha pulah diri kaitn lobih boi' di dalapm hati, samo agatn hidup inyo lomah-lombut huatan tenang. Pomboi' ubo nian tahatn sampai somanahnyo huatan kotakng borogo di mato Allah.

Titus 3:14

Bukainyo bayo nantai, apo somuo urakng inyo pocayo di pulau Kreta nantai gola' bolajar bulah koboi'an. Sia' gola' bousaha pakai' molabuhan nantai oca' sia' ulih monulukng urakng bukai inyo ado kopontikannyo. Aman sia' molabuhan nantai, hidup sia' paca'an boguno.

1 Timotius 2:2

tomansu' boko rajo huatan somuo pomimpitn. Bodoacam oca' timpu kito hidup taat ko Allah huatan bulah koboi'an ko somuo urakng, kito ulih hidup agatn tenang huatan sonang-asau.

1 Korintus 4:12

Koi bokorojo koras agatn longan koi siku' monuntukan kopontikan hidup koi. Timpu koi dikutu' boko urakng, koi totap momborokati sia'. Timpu koi didorako'i koi totap tahatn sabar mohadapinyo.

1 Petrus 4:15

Jangannam ado di antaro kaitn inyo gola' mondorita' obai kaitn mombunuh urakng bukai, mongolit, bulah kojahatan damo bulah korusuhan.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

2 Korintus 5:9

Obai somuo nantai, boi' koi hidup damo mati, koi hala bousaha monyonangan hati Tuhatn.

Roma 12:11

Jangan losa' apo gola' hala bosomangant bokorojo molayati Tuhatn.

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Markus 13:34

Koadaannyo samo sama'an kisah ni'in: Ado siku' habakng inyo moninggalan rumahnyo lalu botula' ko doerah inyo jouh. Io moonji'i tugas ko siku'-monyiku' hulutnnyo pakai' monyiuh sia' mourus rumahnyo. Io moonju' porintah ko urakng inyo monjago lawakng, oca' bojago boboi'.

Roma 15:20

Aku hala honda' momboritoan di boko tompat inyo bolupm kalo urakng konal agatn damo Kristus. Obai, aku co honda' monorusan polayatan inyo udah dimula'i urakng bukai.

Kisah Boko Rasul 18:3

Pokoroja'an sia' samo sama'an Paulus. Sia' bulah tenda pakai' dijual. Jadi, Paulus tinggal huatan bokorojo bosamo sia'.