1 Tesalonika 3:6 - Porjanjian Boharu Torjomahan Baso Dilakng Soari-ari

⁶ Ni'in Timotius udah pulakng doi' kaitn. Io mombaba' kabar inyo kotakan monyonangan. Io momadahan ko koi obai kaitn totap pocayo ko Yesus huatan totap mongasihi urakng bukai. Io mongisahan obai kaitn hala monggonang koi agatn boi'. Io pan momandiran obai kaitn kotakng rindu honda' botomu agi' agatn koi, samo jam sama'an koi rindu botomu agi' agatn kaitn.

1 Tesalonika 3:6 ပူးပေါင်းရင်းမြစ်များ

1 Korintus 11:2

Aku momuji kaitn obai kaitn hala moingant aku. Aku pan momuji kaitn obai kaitn hala monuruti boko ajaran inyo komai udah ku sampaian ko kaitn.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

Kisah Boko Rasul 18:5

Lopas nian, Silas ongko Timotius datakng doi' propinsi Makedonia. Jadi, Paulus ulih momakai somuo watunyo pakai' momboritoan ko somuo urakng inyo boagama Yahudi. Paulus momboritoan agatn jolas obai Yesus nantai Rajo Inyo Dijanjian Allah.

Filipi 1:8

Jadi, Allah tohu obai aku togonangan kaitn somuo obai aku mongasihi kaitn samo sama'an Kristus Yesus mongasihi kaitn.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

Ibrani 13:7

Ingant cam boko pomimpitn kaitn inyo udah monyampaian Pomandiran Allah ko kaitn. Porotian cam caro hidup sia'. Sia' pocayo sampai mati. Tuyut cam toladatn sia' nantai.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

Filemon 1:5

Aku bosukur obai aku mondinga' obai kolai bondar-bondar pocayo ko Tuhatn Yesus huatan kolai pan mongasihi somuo urakng inyo husus umputn Allah.

2 Timotius 1:3

Aku bosukur ko Allah inyo aku layati agatn hati nuraniku inyo suci, samo agatn inyo udah dilabuhan angki-bayatnku. Aku hala bodoa pakai' kolai siakng-malapm.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

1 Tesalonika 2:17

Boko somadikan, koi toposo moninggalan kaitn pakai' somontaro. Kaitn jouh di mato apo kinyo jouh di hati koi. Obai nantai koi kotakng togonang agatn kaitn, ongko koi udah boulakng kali bousaha koras pakai' ulih botomu agatn kaitn agi'.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

Kolose 4:18

Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

Kolose 1:4

Koi bosukur obai koi udah mondinga' obai kaitn pocayo ko Yesus, Rajo inyo disobut ‘Kristus’. Koi pan bosukur obai koi mondinga' kaitn mongasihi somuo urakng umant Allah.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

1 Korintus 13:13

Jadi, dalapm koadaan sokarakng ni'in ado tigo hal inyo gola' totap kito labuhan, ia'an: torus pocayo, kinyo botongga' boharap huatan salikng mongasihi. Inyo kotakan pontikng doi' kotigo hal nantai ia'an salikng mongasihi.

Kisah Boko Rasul 18:1

Lopas nantai, Paulus botula' doi' kota Atena. Io botula' ko kota Korintus.

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

1 Tesalonika 3:7

Boko somadikan, koi ajab sonsaro di si'itn obai ado inyo mondorako'i koi. Apo lopas koi dapat kabar obai kaitn totap pocayo, hati koi monjadi sonang-nyaman.