1 Tesalonika 3:4 - Porjanjian Boharu Torjomahan Baso Dilakng Soari-ari

⁴ Komai, watu koi ija' bosamo agatn kaitn, koi udah opat momadahan obai kito inyo pocayo paca'an didorako'i sama'an nantai. Kaitn tohu pomandiran nantai bondar obai hal nantai udah tojadi.

1 Tesalonika 3:4 ပူးပေါင်းရင်းမြစ်များ

Matius 24:25

Porotiancam! Aku udah momadahannyo ko kaitn mongona'i boko hal ni'in sobolupm tojadi.

Kisah Boko Rasul 17:1

Doi' kota Filipi, Paulus ongko Silas bojalatn molalu'i kota Amfipolis huatan kota Apolonia. Ongko, sia' tuntukam ko Tesalonika, ibu kota propinsi Makedonia. Di kota nantai ado rumah sombayakng urakng Yahudi.

Kisah Boko Rasul 17:13

Apo boko urakng Yahudi di Tesalonika mondinga' mongona'i Paulus di Berea. Sia' mondinga' obai Paulus tongahan monyampaian borito doi' Allah mongona'i Yesus di kota nantai jam. Jadi, sia' pan botula' ko su'utn huatan monjahai'an Paulus.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

2 Tesalonika 2:5

Kaitn soharusnyo ingant obai watu aku bosamo agatn kaitn, aku udah opat momandiran ko kaitn mongona'i boko kojadian nantai.

2 Tesalonika 3:10

Watu koi ija' bosamo agatn kaitn pan, koi moonji'i poringant'an, “Aman ado urakng inyo kinyo honda' bogota'-bokorojo, padohan dionji'i pomakatn am.”