1 Tesalonika 3:12 - Porjanjian Boharu Torjomahan Baso Dilakng Soari-ari

¹² Koi pan bodoa oca' Tuhatn bulah kaitn hala mongasihi huatan kasih nantai mongkitn botambah-tambah sampai bokolobihan. Koi pan bodoa oca' Tuhatn bulah kaitn mongkitn mongasihi somuo urakng samo sama'an koi mongkitn mongasihi kaitn.

1 Tesalonika 3:12 ပူးပေါင်းရင်းမြစ်များ

Matius 22:39

Samo sama'an porintah nantai, ado porintah koduo inyo samo pontikngnyo, ia'an, ‘Kasihicam sosamo kaitn sama'an kaitn mongasihi diri kaitn siku'.’

Matius 7:12

“Bulahcam koboi'an ko urakng bukai, samo sama'an kaitn kohonda'i urakng bukai molabuhannyo ko kaitn. Nantaiam isi doi' somuo porintah huatan poraturan Allah inyo ditulis dalapm Hukupm Torat huatan buku boko nabi.

Lukas 17:5

Ongko koduo bolas rasul nantai bopandir ko Tuhatn Yesus, “Pulahbo iman koi lobih kuat.”

Roma 13:8

Janganam kaitn bohutakng la'apo pan ko sopo pan. Apo kaitn gola' hala mongasihi. Obai, urakng inyo mongasihi urakng bukai udah momonuhi somuo Hukupm Torat.

2 Korintus 9:10

Allah inyo moonji'i bonih ko urakng inyo monugal ongko pomakatn pakai' dipua'i. Ubo nantaiam, Sio paca'an moonji'i lobih doi' cukup bonih pakai' kaitn. Sio pan tajahannyo bulah hasil doi' porbuatan boi' kaitn botambah banya'.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Filipi 1:9

Ninam doaku pakai' kaitn: Mudahan kaitn mongkitn mongasihi Allah ongko urakng bukai ongko mongkitn mongotohu'i ongko mongoroti lapo inyo bondar

1 Tesalonika 2:8

Koi kotakan mongasihi kaitn. Jadi, koi kotakan sonang momboritoan ko kaitn Kabar Boi' doi' Allah. Apo bukainyo bayo nantai. Koi pan kotakan sonang bulah la'apo aja' pakai' monulukng kaitn.

1 Tesalonika 4:1

Solanjutnyo, boko somadikan, komai watu koi bosamo agatn kaitn, koi udah mongajar kaitn. Koi mongajar kaitn mongona'i caro hidup inyo monyonangan Allah. Memang kaitn udah mula'i hidup agatn caro nantai. Kaitn udah mongotohu'i obai Tuhatn Yesus moonji'i kuaso ko koi pakai' mongajar sama'an nantai. Obai nantai, ni'in koi kinyo bayo mombaba' apo koi monyosahan kaitn: Hidup pakai' monyonangan Allah lobih somombondarannyo.

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

Yakobus 1:17

Allah inyo moonji'i somuo inyo boi' huatan sompurna. Sio inyo mombulah matoari, bulatn, huatan somuo bintakng di langit. Sio co kalo borubah sama'an kombayakng inyo bopindah-pindah. Sio hala boi'.

2 Petrus 1:7

Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!