1 Tesalonika 2:5 - Porjanjian Boharu Torjomahan Baso Dilakng Soari-ari

⁵ Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.

1 Tesalonika 2:5 ပူးပေါင်းရင်းမြစ်များ

2 Korintus 12:17

Kata'an aku mondapat'an untukng doi' kaitn molalu'i boko urakng inyo ku utus ko kaitn? Cado jam!

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Kisah Boko Rasul 20:33

Aku co kalo mongohonda'i dionji'i kodampuan ulih urakng bukai, boi' borupo pira', omas, damo pakai'an.

Galatia 1:20

Allah monjadi sasi aku. Somuo inyo aku tulisan ko kolai ni'in bondar. Aku co bulah kotumbukan.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

1 Petrus 5:2

Kobolo cam boko domba Allah inyo ado di kaitn. Kaitn gola' momimpitn sia' agatn sonang hati sosuai agatn kohonda' Allah. Jangan mooso toposo. Layati sia' obai kaitn bondar-bondar monulukng, bukainyo obai kaitn honda' bogoyap untukng.

Titus 1:7

Siku' urakng pongawas jomaat bokorojo moatur Rumah Allah. Obai niannam, io gola' hidup bujur bondar. Io culih buhau. Io culih copat godi damo urakng inyo pomabu'. Io culih gala' bokolohi damo gala' ngontumbuki urakng oca' mondapat'an untukng.

1 Tesalonika 2:10

Watu koi bosamo agatn kaitn inyo pocayo agatn Yesus, kaitn udah moniant agatn mato siku' caro hidup koi. Allah udah moniant jam. Koi hidup pakai' monyonangan Allah, co molabuhan kosalahan. Koi hala molabuhan inyo bondar.

2 Korintus 7:2

Sokali agi' aku muhun, tunju'anbo obai kaitn mongasihi koi. Koi co kalo bulah salah agatn sopo pan di antaro kaitn. Koi co kalo morugian kaitn damo monipu-mongolakar kaitn pakai' mondapat'an kountukan.

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

1 Timotius 3:8

Samo sama'an ponotua', boko diakon gola' hidup agatn caro inyo boi'. Sia' gola' tohormat. Sia' gola' jadi urakng jujur. Sia' co ulih jadi urakng ongkah hala mabu'. Sia' co ulih kaha'-kolobu'.

1 Timotius 3:3

Io co ulih jadi urakng pomabu'. Io co ulih jadi urakng inyo hala boporap apo gola' lomah-lombut. Io co ulih jadi urakng ponggodian. Io co ulih kaha' agatn duit.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

Roma 9:1

Obai aku bosatu agatn Kristus, jadi pomandiran ku ni'in pasti bondar. Aku yakitn aku co bulah kotumbukan. Roh Allah mombulah hatiku yakitn mongona'i nantai jam.

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Matius 22:16

Jadi, sia' monyiuh boko murid sia' huatan boko urakng inyo mondukukng Rajo Herodes botula' ko Yesus. Boko urakng nantai bopandir ko Yesus, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn co bopihak ko boko urakng totontu. Obai nantai, Duatn co gola' agatn sopo pan.

Yudas 1:11

Tuhatn paca'an mohukupm sia'! Obai, caro hidup sia' jahat samo sama'an Kain doi' joman komai. Sia' gala' bulah kosalahan oca' sia' dapat duit samo sama'an Bileam. Sia' pan sama'an Korah jam obai sia' momborontak molawatn Allah huatan boko pomimpitn inyo dipilih Allah. Sia' paca'an dibonasoan samo sama'an io jam.