1 Tesalonika 2:18 - Porjanjian Boharu Torjomahan Baso Dilakng Soari-ari

¹⁸ Aku, Paulus, udah bousaha boboropo kali pakai' ulih monjongu' kaitn. Koi kotakng honda' bobali' apo Rajo Sitatn hala mohalaki koi.

1 Tesalonika 2:18 ပူးပေါင်းရင်းမြစ်များ

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.

Roma 15:22

Obai polayatanku nantai, lalu hala ado halakan sampai culihku monjongu' kaitn.

1 Korintus 16:21

Agatn jariku siku' aku monulis ni'in: Salapm doi' aku, Paulus.

Filipi 4:16

Malahan, timpu aku di kota Tesalonika, kaitn mongiripan bantu'an ko aku sokali duo kali.

Kolose 4:18

Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

2 Tesalonika 3:17

Salapm doi' aku, Paulus. Aku monulis salapm ni'in agatn jariku siku'. Aku momakai caro ni'in dalapm sotiap suratku oca' kaitn tohu surat ni'in ia'an tulisanku.

Filemon 1:9

Apo, obai aku mongasihi kolai, soboi'nyo aku mominto ja'am. (Aku, Paulus, udah tuhoam ongkopan ni'in tongahan ditahatn dalapm ponjara obai Kristus Yesus.)

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.