1 Tesalonika 2:17 - Porjanjian Boharu Torjomahan Baso Dilakng Soari-ari

¹⁷ Boko somadikan, koi toposo moninggalan kaitn pakai' somontaro. Kaitn jouh di mato apo kinyo jouh di hati koi. Obai nantai koi kotakng togonang agatn kaitn, ongko koi udah boulakng kali bousaha koras pakai' ulih botomu agatn kaitn agi'.

1 Tesalonika 2:17 ပူးပေါင်းရင်းမြစ်များ

Kolose 2:5

Biar pan aku co nyiant bosamo agatn kaitn, apo hatiku ado di antaro kaitn. Aku sonang mondinga' obai kaitn hidup agatn toatur huatan kuat pocayo ko Kristus.

1 Korintus 5:3

Sobab, biar pan bukakngku co nyiant bosamo kaitn, apo hatiku ado di antaro kaitn. Samo sama'an timpu aku ado bosamo kaitn, aku momutusan io gola' dihukupm.

1 Tesalonika 3:6

Ni'in Timotius udah pulakng doi' kaitn. Io mombaba' kabar inyo kotakan monyonangan. Io momadahan ko koi obai kaitn totap pocayo ko Yesus huatan totap mongasihi urakng bukai. Io mongisahan obai kaitn hala monggonang koi agatn boi'. Io pan momandiran obai kaitn kotakng rindu honda' botomu agi' agatn koi, samo jam sama'an koi rindu botomu agi' agatn kaitn.

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.

Roma 15:23

Apo, watu ni'in pokoroja'an ku di boko doerah nantai udah jadiam ongko udah botohutn-tohutn manahnyo aku honda' monjongu' kaitn.

Lukas 22:15

Lalu Sio bopandir ko sia', “Aku honda' bondar makatn morayaan Paskah ni'in sosamo agatn kaitn sobolupm Aku ajab sonsaro.

Kisah Boko Rasul 17:10

Pado malapm nantai, boko somadikan di santai hagar monyiuh Paulus ongko Silas botula' ko kota Berea. Di su'utn, sia' duo botula' ko rumah sombayakng urakng Yahudi.

Lukas 12:58

Sama'an lapo aman ado urakng inyo monuduh kaitn. Soboi'nyo, sobolupm sampai ko pongadilan, kaitn gola' bousaha oca' pokaro nantai holu disolosaian. Aman nantai kinyo dilabuhan, io paca'an momoso kaitn oca' dibaba' ko pohadapan hakipm. Lalu, hakipm nantai paca'an monyorahan kaitn ko potugas pongadilan. Potugas nantai paca'an monamoan kaitn ko dalapm ponjara.