1 Tesalonika 2:12 - Porjanjian Boharu Torjomahan Baso Dilakng Soari-ari

¹² Koi hala momadahi ongko hala monguat'an hati kaitn huatan mominto oca' kaitn hidup monyonangan hati Allah. Obai Sio moningkau kaitn pakai' monjadi warga Korajaan-Nyo huatan bodapat komulia'an-Nyo.

1 Tesalonika 2:12 ပူးပေါင်းရင်းမြစ်များ

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.

1 Tesalonika 4:12

Jadi, kaitn kinyo paca'an hidup bogantukng ko urakng bukai. Aman kaitn hidup agatn caro sama'an nantai, boko urakng inyo bolupm pocayo ko Yesus paca'an mohormati kaitn.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

1 Tesalonika 5:24

Allah udah moningkau kaitn. Allah pan hala sotia momonuhi janji-Nyo. Obai nantai, pasti Sio paca'an moonji'i komampuan ko kaitn pakai' monjadi suci.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Efesus 5:8

Memang komainyo kaitn bodiapm di dalapm kogolapan. Apo watu ni'in kaitn udah mansu' ko dalapm torakng obai kaitn mongonal Tuhatn Yesus. Jadi, kaitn gola' hidup agatn caro inyo sosuai pakai' boko urakng inyo hidup di dalapm torakng.

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,

1 Tesalonika 4:1

Solanjutnyo, boko somadikan, komai watu koi bosamo agatn kaitn, koi udah mongajar kaitn. Koi mongajar kaitn mongona'i caro hidup inyo monyonangan Allah. Memang kaitn udah mula'i hidup agatn caro nantai. Kaitn udah mongotohu'i obai Tuhatn Yesus moonji'i kuaso ko koi pakai' mongajar sama'an nantai. Obai nantai, ni'in koi kinyo bayo mombaba' apo koi monyosahan kaitn: Hidup pakai' monyonangan Allah lobih somombondarannyo.

Kolose 2:6

Kaitn udah pocayo obai Kristus Yesus nantai Tuhatn kito. Obai nantai, totap ja' hidup bosatu agatn Sio.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Galatia 5:16

Dinga'anbo pomandiranku! Torus-monorus hidup sosuai kohonda' Roh Allah. Jadi, kaitn kinyo paca'an mongosihan kohonda' diri kaitn inyo jahat.

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

2 Tesalonika 1:10

Hukupan nantai paca'an tojadi timpu Yesus datakng agi'. Watu Sio datakng agi' somuo urakng inyo pocayo ko Sio momuji huatan hiratn agatn Sio. Sio paca'an dipuji obai Sio bulah sia' monjadi borosih doi' dosa. Kaitn tomansu' kolompok urakng nantai obai kaitn udah pocayo somuo inyo koi sampaian ko kaitn.

2 Petrus 1:3

Ninam caronyo Sio moningkau kito: Sio monunju'annyo ko kito obai Sio bokuaso huatan luar biaso boi' oca' kito dapat mongonal Sio. Obai nantai, Sio udah momakai kuaso-Nyo sobagai Allah pakai' dionju' ko kito boko sosuatu inyo dipontikan pakai' hidup inyo monyonangan Sio.

3 Yohanes 1:6

Sia' udah momadahannyo di pohadapan jomaat di si'itn mongona'i kasih kolai. Watu ni'in aku muhun kolai pakai' hala monulukng sia' oca' sia' ulih monorusan pojalatan sia'. Labuhancam nantai agatn caro inyo monyonangan hati Allah.