1 Tesalonika 2:10 - Porjanjian Boharu Torjomahan Baso Dilakng Soari-ari

¹⁰ Watu koi bosamo agatn kaitn inyo pocayo agatn Yesus, kaitn udah moniant agatn mato siku' caro hidup koi. Allah udah moniant jam. Koi hidup pakai' monyonangan Allah, co molabuhan kosalahan. Koi hala molabuhan inyo bondar.

1 Tesalonika 2:10 ပူးပေါင်းရင်းမြစ်များ

1 Petrus 5:3

Jangan buhau botindak ubo rajo, tohadap sia' inyo dipocayo'i Allah pakai' kaitn. Apo, kaitn gola' monjadi toladatn sia'.

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Timotius 3:10

Apo kolai udah mongotohu'i ajaranku. Kolai udah moniru caro hidupku. Kolai udah pocayo ko Yesus samo sama'an aku. Kolai udah moikuti tujuan hidupku. Kolai udah moniant aku sabar agatn urakng bukai huatan mongasihi sia'. Kolai udah mongotohu'i obai aku totap kuat

Kisah Boko Rasul 20:18

Jadi, sia' datakng. Ongko, Paulus bopandir ko sia', “Kaitn tohu caro aku hidup somanah aku tinggal di antaro kaitn. Doi' ari potamo aku datakng di Asia sampai watu ni'in, kaitn udah tohu somuonyo.

1 Timotius 4:12

Jangan sampai ado urakng inyo mohayam kolai obai kolai ija' muda'. Kolai gola' monjadi contoh pakai' boko urakng pocayo, dalapm pomandiran huatan kolaku'an, dalapm mongasihi urakng bukai huatan sotia ko Tuhatn. Hidup co bulah dosa.

2 Tesalonika 3:7

Kaitn siku' udah tohu obai kaitn gola' monumpakng caro hidup koi. Watu koi bosamo agatn kaitn, koi co pocalan.

1 Tesalonika 2:5

Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.

2 Korintus 11:11

Hibo aku co mominto la'apo pan doi' kaitn? Kata'an obai aku co mongasihi kaitn ai? Allah udah tohu obai aku mongasihi kaitn!

2 Korintus 7:2

Sokali agi' aku muhun, tunju'anbo obai kaitn mongasihi koi. Koi co kalo bulah salah agatn sopo pan di antaro kaitn. Koi co kalo morugian kaitn damo monipu-mongolakar kaitn pakai' mondapat'an kountukan.

Kisah Boko Rasul 24:16

Obai nantai, aku hala bousaha oca' hati nuraniku borosih di hadapan Allah huatan monsio.

Kisah Boko Rasul 20:26

Agatn sotia, aku udah moajaran ko kaitn mongona'i la'apo inyo dikohonda'i Allah pakai' somuo monsio. Obai nantai, ari ni'in aku momandiran: Aman ado urakng di antaro kaitn inyo mondapat hukupan nononyo obai co pocayo agatn Yesus, nantai kinyo tanggukng-jawab aku agi'.

2 Korintus 11:31

Allah ia'an Bopai doi' Tuhatn kito, Yesus, topuji sampai somanah-manahnyo. Sio tohu obai aku co bulah kotumbukan.

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

Lukas 23:41

Sobondarnyo hukupan kito duo memang sosuai agatn porbuatan kito. Apo Sio samo sokali kinyo bosalah!”