1 Tesalonika 1:9 - Porjanjian Boharu Torjomahan Baso Dilakng Soari-ari

⁹ Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

1 Tesalonika 1:9 ပူးပေါင်းရင်းမြစ်များ

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Roma 9:26

Huatan di tompat di mono komai Allah bopandir ko sia', ‘Kaitn bukainyo umant-Ku,’ di tompat nantai jam Allah inyo hidup tajahan bopandir, ‘Kaitn nam poana'an-Ku.’ ”

1 Korintus 12:2

Ingant watu kaitn ija' bolupm konal agatn Allah. Kaitn dipongaruhi pakai' monyombah boko duato inyo co ulih bopandirobai boko duato nantai kinyo bobondar hidup.

1 Tesalonika 2:1

Boko somadikan, kaitn udah tohu obai sobolupm koi monjongu' kaitn, koi momboritoan Kabar Boi' di kota Filipi. Watu nantai, koi dihanyam huatan di dorako'i. Apo Allah kito monulukng koi pakai' datakng ko kaitn pakai' momboritoan Kabar Boi' doi' Allah. Kaitn udah tohu kunjukan koi ko kaitn nantai kotakan bohasil.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

Ibrani 12:22

Apo kaitn udah datakng ko Bukit Sion, ko kota Allah inyo hidup, ia'an kota Yerusalem inyo ado di sorugo. Kaitn datakng mohadapi boribu-ribu molekat.

1 Yohanes 5:21

Poana'anku, jangan kaitn sampai monyombah boko lompatukng damo la'apo pan.

Wahyu 17:2

Boko rajo di dunia udah bulah dosa pomporajoan agatn io. Huatan boko urakng di bumi komabu'an obai minum anggur pomporajoan.”