1 Tesalonika 1:8 - Porjanjian Boharu Torjomahan Baso Dilakng Soari-ari

⁸ Kabar Boi' mongona'i Tuhatn Yesus tosebar doi' kaitn ko urakng di propinsi Makedonia huatan Akhaya. Apo kinyo bayo sampai di su'utn. Watu ni'in, boko urakng di mono-mono mondinga' obai kaitn pocayo ko Allah. Obai nantai, watu koi mondataki boko tompat bukai, koi kinyo gola' mongisahan mongona'i kaitn.

1 Tesalonika 1:8 ပူးပေါင်းရင်းမြစ်များ

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

Roma 15:26

Obai, boko jomaat di doerah Makedonia ongko Akhaya udah mombulah koputusan pakai' moonji'i sumbakan nantai pakai' monulukng urakng pocayo inyo jaro di Yerusalem.

Roma 16:19

Somuo urakng udah mondinga' obai kaitn monaati Tuhatn. Jadi aku kotakng sonang obai kaitn! Apo aku honda' oca' kaitn pintar-corodi' mongotohu'i lapo inyo boi' ongko co bulah kojahatan.

1 Korintus 14:36

Jangan bopikir kaitn ulih mongikuti boko poraturan siku'. Ingantcam obai Pomandiran Allah kinyo boasal doi' kaitn di kota Korintus huatan disampaian bukainyo bayo ko kaitn.

2 Korintus 2:14

Apo bosukur ko Allah! Sio moirikan koi dalapm pawai boko urakng inyo monang obai koi hidup di dalapm Kristus. Allah momakai koi pakai' monyampaian borito mongona'i Kristus di mono-mono, samo sama'an bou harupm.

2 Korintus 3:4

Kristusnam inyo bulah koi yakitn mongona'i nantai di hadapan Allah.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

2 Tesalonika 1:4

Obai nantai, koi bangga mongisahan mongona'i kaitn ko boko jomaat inyo bukai. Koi mongisahan obai kaitn didorako'i huatan moalapi banya' kosusahan obai kaitn pocayo ko Yesus. Apo kaitn totap botahatn huatan pocayo.

2 Tesalonika 3:1

Solanjutnyo, boko somadikan tulukng doa'an koi oca' pomandiran Tuhatn tosebar agatn copat ko tompat bukai. Bodoa jam oca' boko urakng mohormati, pocayo ongko monaati boko ajaran nantai, samo sama'an kaitn.

1 Timotius 2:8

Obai nantai, ongko aku bohak momuhun ko somuo lolaki: Di mono aja' kaitn bokumpul, kaitn gola' bodoa. Apo bodoa agatn hati inyo borosih. Jangan monyimpatn ponggodi dalapm hati. Jangan bokonjahatan agatn urakng bukai.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

3 Yohanes 1:12

Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.

Wahyu 14:6

Lopas nian aku moniant siku' urakng molekat bukai inyo trobakng tinggi di langit. Molekat nantai mombaba' Kabar Boi' inyo bolaku pakai' somanah-manahnyo. Io momboritoan Kabar Boi' nantai ko somuo urakng inyo bodiapm di bumi, ia'an boko urakng doi' sotiap banso, sotiap suku, sotiap baso, sotiap negara.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.