1 Tesalonika 1:6 - Porjanjian Boharu Torjomahan Baso Dilakng Soari-ari

⁶ Ongko, kaitn hidup agatn caro inyo samo sama'an koi, huatan samo sama'an Tuhatn Yesus jam. Masud aku, watu kaitn monjadi pocayo ko Yesus, kaitn kotakng di dorako'i. Apo kaitn totap pocayo Kabar Boi' nantai agatn rindakng-rigah doi' Roh Allah.

1 Tesalonika 1:6 ပူးပေါင်းရင်းမြစ်များ

Matius 16:24

Lopas nian Yesus bopandir ko boko murid-Nyo, “Aman siku' urakng bondar-bondar honda' monjadi murid-Ku, io gola' moninggalan kosonangan dirinyo siku'. Io gola' momikul kayu salibnyo huatan hala tuyut Aku.

Yohanes 8:12

Yesus bopandir agi' ko urakng banya'. Kato-Nyo, “Aku ninam torakng dunia. Sotiap urakng inyo tuyut Aku, io co paca'an bojalatn di kompotakan, apo io paca'an ado torakng pakai' kohidupannyo.”

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Kisah Boko Rasul 9:31

Lopas nantai somanah boboropo watu, boko urakng inyo pocayo Yesus di soluruh doerah Yudea, doerah Galilea, huatan doerah Samaria ulih hidup agatn sonang-asau. Co nyiant inyo mondorako'i sia'. Roh Allah monulukng huatan monguat'an sia'. Obai nantai, mongkitn manah mongkitn banya' urakng inyo pocayo agatn Yesus. Sia' somuo hidup agatn ponuh oso hormat ko Tuhatn inyo bokuaso.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

1 Korintus 11:1

Jadi, turuticam toladatnku nantai, samo sama'an aku monuruti toladatn Kristus.

1 Korintus 11:2

Aku momuji kaitn obai kaitn hala moingant aku. Aku pan momuji kaitn obai kaitn hala monuruti boko ajaran inyo komai udah ku sampaian ko kaitn.

1 Korintus 4:16

Obai nantai, aku monosihat'i kaitn: Tirucam toladatnku.

2 Korintus 6:10

Opat jam koi salu', apo hala adomo mooso sonang-nyamannyo. Koi jaro, apo bulah urakng banya' monjadi dampu dalapm Tuhatn. Koi conyiant ado la'apo pan, apo sobondarnyo koi dampu dalapm Kristus.

2 Korintus 8:5

Sia' moonji'i lobih banya' doi' inyo koi sangko. Mulonyo sia' monyonangan Tuhatn. Lopas nian, sia' monyonangan koi. Obai, caro nantai sosuai agatn kohonda' Allah.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Efesus 5:1

Obai nantai, boko somadikan, sobagai poana'an Allah inyo dikasihi-Nyo, kaitn gola' moikuti toladatn Allah.

Filipi 3:17

Boko somadikan, tuyutcam toladatnku. Porhatiancam boko urakng inyo hidup sosuai agatn toladatn koi.

2 Tesalonika 1:4

Obai nantai, koi bangga mongisahan mongona'i kaitn ko boko jomaat inyo bukai. Koi mongisahan obai kaitn didorako'i huatan moalapi banya' kosusahan obai kaitn pocayo ko Yesus. Apo kaitn totap botahatn huatan pocayo.

2 Tesalonika 3:7

Kaitn siku' udah tohu obai kaitn gola' monumpakng caro hidup koi. Watu koi bosamo agatn kaitn, koi co pocalan.

2 Tesalonika 3:9

Sobondarnyo, koi ado hak pakai' monuntut la'apo inyo koi pontikan ko kaitn. Apo koi co molabuhan hal nantai. Koi bokorojo somombondarannyo oca' kaitn ulih monumpakng caro hidup nantai.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

1 Petrus 1:6

Sonangcam agatn hal nantai, biar pan somontaro watu ni'inan kaitn gola' monjadi salu' obai bomacapm-macapm poncoba'an.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

1 Petrus 3:13

Aman kaitn rajitn bulah koboi'an, co nyiant ado urakng inyo tajahan monyakiti kaitn!

3 Yohanes 1:11

Somadikanku inyo tokasih, jangannam monumpakng boko hal inyo jahat. Tumpakngcam inyo boi'. Urakng inyo bulah koboi'an, io boasal doi' Allah. Apo urakng inyo bulah kojahatan, io co kalo mongonal Allah.