1 Tesalonika 1:4 - Porjanjian Boharu Torjomahan Baso Dilakng Soari-ari

⁴ Boko somadikan inyo dikasihi Allah, koi pan tohu obai Allah udah momilih kaitn somuo pakai' monjadi umant-Nyo.

1 Tesalonika 1:4 ပူးပေါင်းရင်းမြစ်များ

2 Tesalonika 2:13

Apo, boko somadikan, Tuhatn mongasihi kaitn. Koi bosukur ko Allah obai kaitn. Cucu' koi bosukur obai Allah momilih kaitn. Doi' mulonyo, Allah momilih kaitn oca' kaitn disolamant'an. Koi momboritoan Kabar Boi' inyo bondar ko kaitn. Ongko kaitn pocayo borito nantai. Roh Allah jam hala bulah kaitn mongkitn suci. Nianam caro kaitn ditingkau ongko disolamant'an oca' kaitn bodapat bagian doi' kohormatan Yesus Kristus, Tuhatn kito.

2 Petrus 1:10

Obai nantaiam, boko somadikanku, bousahacam lobih kuat agi' molabuhan somuo nantai. Agatn ubo nian, kaitn lobih yakitn obai Allah udah momilih huatan moningkau kaitn pakai' monjadi umant-Nyo. Obai, aman kaitn molabuhan nantai, kaitn co paca'an jatu' ko dalapm dosa.

Roma 9:25

Samo sama'an di buku Nabi Hosea. Allah momandiran ni'in mongona'i boko urakng bukainyo urakng Yahudi: “Ko boko urakng inyo komai bukainyo umant-Ku, Aku tajahan bopandir, ‘Kaitn nam umant-Ku’ Ko boko urakng inyo komai kinyo Ku kasihi, Aku tajahan bopandir, ‘Aku mongasihi kaitn.’

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

1 Petrus 1:2

Allah, Bopai kito, momilih kaitn sosuai agatn roncana-Nyo. Roh Allah mombulah kaitn monjadi borosih doi' dosa oca' kaitn monaati Yesus Kristus. Allah molabuhan nantai jam oca' kaitn ulih monorima' hasil doi' darah Yesus Kristus inyo dicurahan ko kaitn watu Sio mati di kayu salib. Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.